Послания Иосифа Волоцкого

Содержание Послание Иосифово к великому князю Ивану Васильевичю на еретика Кленова Послание Василию III о еретиках Второе послание князю Юрию Ивановичу Послание Иосифа Волоцкого к митрополиту Симону Господину архимандриту Васияну Послание Иосифово к епископу Нифонту Суждальскому и Торусскому на еретики Послание Иосифа Волоцкого его брату Вассиану Послание Иосифа Волоцкого архимандриту андронниковскому Митрофану Послание Иосифово к великому князю Ивану Васильевичю на еретика Кленова Государю великому князю Ивану Васильевичю всея Русии нищий твой, господине, грешный чернец Иосиф з братьею челом бью. Что еси, государь, прислал в монастырь Пречистые к нам еретика Семена Кленова, да и его речи еретическиа написаны, что он мудрствовал, а велел еси его держать в монастыре, ино государь, о том есмя обрадовалися были вси, что еси показал ревность о благочестивей и православней християнстей вере, как прежний святии православнии христианстии царие, а ныне, государь, сказали нам, что еретиков по монастырем шлешь, ино, государь, нам нынешняя скорбь много горши первые, занеже, государь, миряном пользу творишь, а иноком погибель. А в писании, государь, того нет, кое еретиков по монастырем посылать: на всех, государь, соборех по проклятии еретиков посылали в заточение, да сажали по темницам, а не в монастыри посылали их. И который восхощет покаятися, ино ему возможно и в темници каятися: в скорбех бо и бедах и во юзах паче услышит Бог кающихся сердцем сокрушенным и смиренным. Мнози, государь, и православнии християне впадали в согрешения, да как почели каитися о своих гресех, и они на себя клали сами – иной вериги железны, а иной чепь на себе положил, а иной, государь, велел себя в погребе приковать чепью. И коли, государь, захотели каятися истинно от сердца, и оне себе не пощедели, а и согрешение их было не толь тяжко, да сами на муки себе предовати произвели. А нынешний, государь, еретики сами не производили каятися, – как ты, государь, почел их казнити смертными казнями, да и торговыми, и они, государь, почели каятися мук деля, а не Бога ради, и как еси потщался очистить святую Божию церковь от еретических скверн, так бы еси, государь, и о монастырех милость покозал, чтобы не погибли от еретическаго зла. А яз тебе, государю моему, нищий твой з братьею, челом бью, и должни есмя Бога молити о твоем здравии и спасении. Послание Василию III о еретиках Послание старца Иосифа к великому князю Василью на еретики Господарю великому князю Василью Ивановичу всея Руси грешный чернец Иосиф, нищей твой, со священники и з братиею вси соборне со слезами челом бием. Бога ради, господарь, и Пречистыа Богородицы, пожалуй, и попецыся, и промысли о Божественых церквах и о православной вере хрестьянстей и о нас, нищих своих и убогих, занежа, государь, от вышнея Божия десница поставлен еси самодержец и государь всея Руси. Глаголет бо Господь Бог пророкам: аз воздвигох тя с правдою царя, и приях тя за руку и укрепих тя. Сего ради слышите, царие и князи, и разумейте, яко от Бога дана бысть держава вам. Вас бо Бог в себе место избра на земли и на свой престол вознес, посади, милость и живот положи у вас. Вам же подобает, приемши от вы повеления правленья человеческаго рода, православным государем, царем и князем, не токмо о своих пещися и своего точью жития правити, но и все обладаемое от треволнения спасти и соблюдати стадо его от волков невредимо, и боятися серпа небесного, и не давати воля злотворящим человеком, иже душу с телом погубляющим: скверныя, глаголю, и злочестивыя еретики. Нам же лепо по царскому твоему остроумию и богопреданней мудрости воспоминати ти яко государю и яко владыце. Ты же, о боговенчанный владыка, яко же преже поревновал еси благочестивому и равноапостольному великому царю Константину, яко же он христианский род в своем царствии из рова преисподнего возведе, темнаго оного и богопротивнаго и втораго Июду, Ария, глаголю, до конца низложи, подобно же тому и ты сотворил еси з боговенчанным самодержцем и государем всея Руси с своим отцем с великим князем Иваном Васильевичем всея Руси. Темных онех и скверных новогородцких еретиков и отступников и жидовская мудрствующих до конца низложил еси с богохульными их предании, православную же и истинную и непорочную христианскую веру поколебавшююся и изнемогшюю от еретических и жидовских учений паки утвердил еси и всех верующих в Святую и Животворящую Троицу сердца возвеселил еси. И якож исперва чистая и непорочная християнская вера по апостольских и Богоутверженых преданиих во всех наших церквах боголепно и благообразно цветет и проповедуетца. Да ныне аще ты, государь, не подщишися и не подвигнешися о сих, не утолиши скверных еретик, темное их еретическое учение, ино, государь, погибнути всему православному християнству от еретических учений, яко ж и прежа много царства погибоша сим образом: Ефиопское великое царство, и Армейское, и Римское, иже много лета пребыша в православной вере християнстей, тако погибоша. Прихожаху бо преже немнози еретицы втай царствия и прелыцаху преже нищая человеки и убогия, потом же и благородныя, потом же прияша учение их и великия власти. Во многа жа лета вся царства отступиша от соборныя и апостольския церкви и от провославныя християнския веры. Тако же и Руская великая земля, иже пятьсот лет пребысть в православной вере християнстей, егда ж враг человеческаго спасения диявол приведе скверныа еврея в Великий Новгород отселе за четыредесят лет, преже убо малых в жидовство отведоша, потом жа множество несведомо по всей Рустей земли. И аще бы не ты, государь, показал ревность о православной вере християнстей и любовь Господу Богу и Пречистой Богородици и ненависть к еретиком и казнь на иже жидовская мудроствующих, было бы уже безчисленое множество православных християн в жидовской вере. Аще ли же и ныне, государь, не потщишись, Бога ради и Пречистыя Богородица, как, государь, в первом обыску все ты, государь, обыскал и управил, тако и ныне тебе, государю, подобает о сем попещись, глава бо еси всем. Покажи ревность благочестия твоего, да видят вси царие славу православного царствия твоего. Придет бо ти от сего свет вечный и невечерний в тебе восияет, аще подобно сотвориши первым православным и благочестивым царем. Оне убо на всех соборех не точию епископы и священики еретики бывшая, но и потриярси и митрополиты по проклятии в темницы метаху, и сии никого от православных не прельстиша. А их же вероваху покоянию и даяху им свобожение, сии многа зла сотвориша и многия в ереси отведоша. Занеже, государь, инем нечим тое беды утолити. Подобно ж тому бысть и в нашей земли Русстей. Самодержец и государь всея Русскыя земля князь великий Иван Васильевич, отец твой, по проклятии еретиков Захара черньца и Дениса попа повеле в темницу воврещи. И сии зле живот свой скончаша, и никого же от православных не прельстиша. А которые, государь, почали каятись, и отец твой, государь, их покаянию поверил и дал им ослабу, и те много неизреченна зла сотвориша и многих православных христьян в жидовство отведоша. Ино, государь, никому невозможно тое беды утолити, разве тобя, государя и самодержца всея Руския земля. И того ради непоколебимо и непревратно соблюдет и сохранит вышняго десница Богом поставленое твое царство, самодержавный царю и владыка и с твоею благочестивою и великою княгинею. И мирна да будет и многодетна твоя держава и победительна со всеми повинующимись тебе христолюбивыми воинствы и с прочими людьми, да пребывает во веки и во век века во вся дни живота твоего и пропустит в род небесному царствию сподобит. Второе послание князю Юрию Ивановичу Посланье Иосифово князю Юрью Ивановичи о препитании нищих во время глада Государю князю Юрью Ивановичю грешный чернец Иосиф нищий твой челом бию. Бога ради, государь, и Пречистые Богородици, пожалуй, попецися и промысли о православном христьянстве, о своем отечествии. Тебе бо, государю, от Господа Бога дана бысть держава и сила от Вышнего. Тебе бо Господь Бог избра в себе место, постави на твоем отечестве, милость и живот положи у тебе . Тебе же, православному государю, приемшему от вышняго повелениа правленье своего отечествиа, не токмо о своих пещись и своего точью жития правити, но и все обладаемое от треволнениа спасати и соблюдати, и от нужа и скорби и от бед избавляти. Якоже и прежний государи, православнии царие же и князи, первый православный царь равноапостольный Константин, и великий Феодосие, и сынове его Аркадие и Анорие, такоже и благочестивый царь Маркиан, Иустиниян и Василис Македонянин, отец премудраго царя Льва, и Никифор Фока, и вси благочестивии царие и князи, егда бываше в лета котораго их велика нужа от глада, тогда великое попечение о сих имеяху, яко да не измрут гладом сущий под ними нищий и убозии человеци. И аще который государь имеяше у себе много жита, подаваше неимущим, или продавати веляше недорого и уставляше цену, обговорив з бояры якоже подобаше и заповедь полагаше во всем своем государстве, и запрещение страшно полагаше на преступающих сиа, якоже и ныне сотвори брат твой великий князь Василий Иванович всея Русии. Аще подобно тому и ты, государь, сотвориши в своем государстве, живиши нищиа и убогиа человеки, занеж, государь, уже многиа ныне люди мрут гладом, а кроме тебя, государя, некому той беде пособити; а инем невозможно той беде пособити, аще не ты, государь, о том попечешися и уставиши цену своим государьским велением, в своем отечестве, и оживиши люди бедныя, и за то приимешь милость от Бога. И яз, нищий твой, тебе, государю, челом бию, с священники и з братьею, и длъжни Бога молити о твоем здравии и спасении. Послание Иосифа Волоцкаго к митрополиту Симону Государю преосвященному митрополиту Симону всея Русии грешной чернец Иосиф нищий твой, господине, з братиею челом бью. По грехом, государь, нашим князь Федор Борисович, государь наш, почал обидити манастырь Пречистыа; что Пречистая Богородица посылала милостыню в монастырь Свой, да которые христолюбцы давали по своих душах, и он, государь, учал у нас все то отнимати; и мы, государь, то не учали давати ему, того ради, что мне о том ответ Богу дати; и он, государь, того ради на нас брань великую воздвиг, меня, государь, захотели из монастыря изгнати и братию, государь, старцев добрых хотел кнутием бити; а Возмицкому, государь, архимандриту велел на черньцов из монастыря подговаривати и наводити, и архимандрит Алексей подговорил десять черньцов на Возмище, да пять черньцов и увез, а те черньцы взяли с собою четверынатцетеры книги, да ину рухлядь монастырскую. И мы, государь, посылали бити челом князю Федору Борисовичу о том, и князь Федор нам отвечал: тех де и не велю выдати, а иных велю прогнати, да вперед деи бы ко мне не посылали. И мы, государь, познали конечное нежалование в всем государя своего князя Федора Борисовича, и яз хотел изыти из монастыря; и братиа, государь, учали мне говаривати; господине Иосифе, пришли есмя к Пречистыя да к тебе, и животы есмя, государь, давали Пречистой в дом да тебе, да и силу есмя истощили свою, работаючи монастырю Пречистыя; а ныне, господине, ты хочешь из монастыря, а мы, господине, с тобою; а которые христолюбцы давали села и имениа по родителех и по своих душах, и тех память погинет с шумом, а нам, господине, и тебе под старость волочитися по чужим монастырем; а церковь, господине, Пречистыя и монастырь запустеет; посылай, господине, бити челом государю великому князю Василию Ивановичу всея Русии, чтобы, государь, Симон митрополит сам жаловал, а государю великому князю Василию Ивановичу всея Русии печаловался, чтобы, государь, смиловался Бога ради, пожаловал, о нас своих нищих промыслил, как ему Бог положил на сердце. И яз, государь, посылал братию бити челом тебе, государю, чтобы ты, государь, сам жаловал, а государю великому князю, сыну своему, печаловался, и твоим, государь, благоволением и печалованием государь князь великий смиловался: пожаловал Бога ради взял в свою державу монастырь Пречистыя и нас нищих; и мы, государь, от тех мест в тишине и в покои молили Бога за государя благовернаго великаго князя и за тебя, государя, и за великую княгиню и за все православное христианство . И ныне, государь, ведомо тебе, в великое говение прислал на меня архиепископ Новогородский Серапион грамоту неблагословенную, а написал, государь, вину мою, слышание мое таковое, что еси отказался от своего государя в великое государство, и коли еси таковое великое безчиние содеял, а ты чуж священства и нашего благословениа. Или ведомо тебе, государю нашему, что ни в божественном писании, ни в летописцех, ни в обычаех земских того не бывало: кто великое безчиние учинил в том, что посылал бити челом государю болшому да тебе, государю болшому святителю, чтобы церковь Пречистыя да монастырь не запустел; ни в святых правилех не написано, что тех ради вин отлучати от священства и не благословити кого. И ты бы, государь, Бога ради и Пречистыа Богородица, пожаловал смиловался, сам жаловал, а государю сыну своему великому князю печаловался, как еси в начале жаловал. И яз тебе, государю, нищий твой з братиею челом бью и должен Бога молити о твоем здравии и спасении. Господину архимандриту Васияну Что, господине, мене, глупаго и ненаученаго, во учимом чину живущаго, пытаешь о таинстве Святыя Троицы, а ино то, господине, выше нашея меры. Вам то, господине, освященным главам достоит ветхаго и новаго таинества ведати и научати, вы – господа пастарие, да и мы, мир, христиане Живаначальную Троицю, от апостол яве проповедаему прияхом, и крестихомся во имя Отца и Сына и Святаго Духа. В нераздельное божество тако веруем и проповедуем и держимся, а древних явленей и обычаев не пытаем и не поучаемся и забываем, якоже и апостол пишет: «Древняя мимоидоша, а вся Быша новая» ( 2Кор.5,17 ), и поучает задних забывати, а на предняя подвизатися, еже есть новаго благодати закон. Да нам было, господине, достоит о всем о том молчати по писаному, но твое, господине, рачительство пришло до нас, и аз, господине, глупой не могу ослушатися, поминая рекшаго: «Имея друга, вся открывает ему разумна и неразумна». Ино вем твой разум и мудрость, на то утвръдихся, что можешь и мой глупой разум възразити. Моисей пишет: «Сотвори Бог небо и землю и вся, яже в небе и на земли и в водах, вся сътвори человека ради, а человек создан бысть в шестый день, образ божий» ( Быт.1 ), и первое таинство объявляя Живоначалныа Троица. Рече Бог: «Сотворим человека по образу Нашему и по подобию» ( Быт.1:26 ). Разумевай с кем советует, и что по образу и по подобию? Не все ли Святую Троицу преобразуют! Второе: по преступлении Адамле, рече Бог: «Се Адам, яко един от Нас, разумевати добру и злу» ( Быт.3:22 ). Виждь, яко не рече: «един есмь», но рече: «яко един от Нас!» Так же по потопе в разделении язык рече Господь Бог: «Се род един и язык един, приидем низъшедше, размесим ту языкы их!" ( Быт.11:6–7 ). Не рече бо, яко «сниду», или яко без совета раздрушил, но рек: «Снидем, размесим языки их». Се видиши ли, яко искони Сына объявляя в таинстве Живоначалной Троицы? Слыши же в новой благодати глаголюща: «Аз и Отец едино есма , а и пакы Сын ничтоже творит, аще не видит Отца творяща, яко же Отец творит, и Сын такоже творит» ( Ин. 10:30, 5:19 ). А как созда Бог человека, так везде советовал Бог человеком все с собою, а Адаму и Сифу и Еноху и Ною, та же и до Авраама по писаному. При Авраме же после обетования послан бысть аггел к Агаре в пустыню. И рече ей аггел Господа Бога: «Агарь, Агарь, раба Саррина! Отколе идеши и камо грядеши?» ( Быт. 16,8 ). Она же усомневся и не хотя и рече: «От госпожи бегу» . И рече ей аггел Господа Бога: «Агарь! Обратися к госпожи своей, и покорися ей в всем» ( Быт. 16,9 ). А рече ей аггел Господа Бога: «Агарь! Родиши сына мужеск пол, и наречеши имя ему Измаил» ( Быт. 16,11 ). Рече к ней аггел Господа Бога: «Агарь! Много умножю плод твой, и в язык велик сътворю и» ( Быт. 16,10 ). Видиши ли, господине? Трижды объявляя себе аггелом, сиречь посланник, в четвертый сам собою объявляет, сыном божиим властельскы глаголет, рек: «Много умножю плод твой, а в язык велик сътворю и!» Ино слышеши, что от Адама и до Авраама к всем Бог глаголя, отца прообразуя, зде же сына прообразуя, аггелом себе именова, сиречь посланника, и везде бо аггел посланник именуеться, яко же и в евангелии сам себе именует посланником: «Пославый мя Отец боле мене есть» ( Ин. 14:28 ). И Агарь сама именова его Богом, глаголя: "Ты Бог, иже призре мне!» ( Быт. 16,13 ). Но не к единой Агаре послан бысть аггел, но к многым аггелом является, а после его Богом нарицают. Зри ветхыя книгы вся, обрящеши, како Моисею в купине явися аггел, а рек: «Аз есмь... Бог Авраамов, ...Исааков, ...Иаковль» ( Исх. 3,6 ). Той же и Чермное море проведе, являяся столпом огненым и на Синайстей горе беседова ему, и закон да, якоже и Аврааму явися в трех лицех. Виде Авраам, яко родися ему сын Измаил от Агары во старости, и отчаався во старости от Сары семени, и помыслившу, яко обеты благословения семени его скончашася на Измаиле, уже бо сам столетен сущи, а Сарра девятидесять лет сущи. Сидящу ему у дуба пред сению, поминающи свою старость, близ бо смерти сущи: «Что сотворю благо, да введет мя Бог в вечныя кровы. Аще не прииму странного в дом в образ божий, не приимет мя Бог в вечный дом». И нача ждати страннаго в образ Божий даже и до полудни. Возрев очима, виде три мужи стоящи верху его, и притече к ним, рече: «Господи! Аще есмь обрел благодать пред Тобою, не мини раба своего, да ся принесет вода, да омыются ногы ваша, и простудитеся, ...да принесу хлебы, да ясте!» ( Быт.18:3–5 ). И рече жене своей Сарре: «Подвижися, смеси три спуды мукы чисты». А сам тече в стадо, поим отрока с собою, и взя телец избран, приведе и уготови, и взяв масло и мед и млеко, и постави пред ними, и сам стояше пред ними. Разумевай – единого жда, и три ему явися в человечесте образе! И рек им: «Господи! Аще есмь обрел благодать пред тобою» . Како трем глаголет, а единого именует господа? Ино рек «господи», то общее имя, ино то, что рек, «аще буду обрел благодать пред тобою», видиши ли ясне, Бога проповедует: кто может дати благодать, развее Бога, и от кого жда обетованиа благодати, аки не от Бога? Он странники прият, и телец, аки человеком, уготови, и Сарре повеле три спуда муки смесити, в образ троица, и представи има трапезу. О дивно! Три юноши сидя, а патриарх старец столетен пред ними стоя! Виждь, яко не един седя, а два бы предстояли, аки рабы, сиречь аггелы, но все три равно во едином месте сидят, и всем равне патриарх нозе умы, и трапезу постави, и всем равну честь подает! А в даровании благодати рече Аврааму: «Сарра жена твоя где бе?». Он же рече: "В сени" . Они же рекоша: «На се время возвращуся и прииду, будет Сарре сын» ( Быт.18:9–10 ). Сарра же, слышав в сени рассмеявся, а рада бысть, помянув благодати обетованиа, а возрев на свои умерщвленые уды, не верова: «Како рождю сын в старости?» ( Быт.18:13 ). Бог же ведый тайны сердца, рече Аврааму: «Сарра смех ми сотвори, но будет Сарре сын, и наречеши имя ему Исаак». А востав три мужи прямолици к Содому и идучи, а Авраам с ними. И рече Бог: «Не утаю отрока моего Авраама, вопль Содомеск и Гомореск умножися предо мною, иду погубити их» ( Быт.18:17, 20 ). И два аггела отъидоша в Содом, Авраам же рече Богу: «Господи! Не погуби праведника с нечестивыми, аще обрящутся пятьдесят праведник» ( Быт.18, 23–24 ). И рече Бог: «Не гублю». И приложи Авраам глаголати Богу даже и до десяти. Рече: «Не погублю града» ( Быт.18,32 ). Яко Бог , видиши ли, яко бози явишася Аврааму в образе человечсте? Глаголет Аврааму: «Погублю Содома», и пакы: «Не погублю праведных для». Виждь – един Бог отець со Авраамом беседует, а два в Содом посылает в образе Сына и Святаго духа, занеже Бог вся Сыном сотваряет, и Духом Святым совершая. Якоже пишет: «Словесем Господним небеса утвердишася, и Духом уст его вся, сила их» ( Пс. 32,6 ). Видиши ли, господине, коли обет благодати пришед исполнити, и он совршинне явись Аврааму, того ради являя ему благодать свою, что от семени его хотяща родитися Христос. А в Содоме того ради два являются в образе аггел, а аггели в юношеском образе, что хотяща злых человек потребити, а праведника от напасти извести, якож и Симеон о Христе прорече: «Сей лежит на падание и на востание многим» ( Лк.2,34 ). И в пророчестве много о том писано, сам веси, а пишет, что Авраам, милуя нищих, Бога приат з двема аггелы, а инде аггелы прият, а инде Святую Троицу прият. А Дамаскин глаголет: «Святая Троица единосущная телесныма очима не зрима». Ино, господине, по божественому писанию все те истинну едино глаголют, а не разнствуют: нам то, господине, глупым и не умеющим, видится разно, или еретиком, ино они превращюют на свой разум, хотяща Троицу утаити, не хотяща бо видети, ни слышати Отца и Духа Святаго равна Отцу и Сыну. А что, господине, Дамаскин пишет: «Не зримо божество», ино господине, не один Дамаскин пишет, но издавна патриарси и пророци и апостоли и святии отци, – все божество акы едиными усты исповедуют недоведомо и недомыслимо ни зримо, не токмо реку человеческыма очима, но ни аггели, ни самыя херувими, ни пакы престоли, на них же почивает Господь, видети божества не могуть. А ино и сам Сын глаголет: «Никтоже знает Сына, токмо Отец; ни Отца кто знает, токмо Сын» ( Мф. 11:27 ). Но что нам разсужати божество, якоже и Дионисей пишет: «Бога нигде же неть, а везде есть?». А что пишет: «Авраам аггелы виде», ино везде бо в писании в нашем и в древнем пишет, что божество преобразуется в аггелех, а аггели существом не являются, но человечески, или инем образом, но Бог , преобразися в аггелы, а аггели в человеческий образ явися Аврааму. Ино существом аггели, а действо божествено, а образом человеческым: не мощно бо существа и аггельскаго видети человеку. А инде пишет, что Авраам (Бога прият с двема аггелы, ино, господине, то истинно именова Бога, бо Отца не послана никем, аггелы бо виде с ним, ино аггелы пишются посланникы, сиречь Сын послан от Отца, и Дух Святый послан от отца же. Якоже и в Евангелии пишет: «Аз о себе не глаголю, но пославый мя Отец , той ми рече» ( Ин. 8,18 ). И пакы о Дусе глаголет: «Аще Аз иду от вас, иного утешителя от Отца пошлю к вам» ( Ин. 16,7 ). Нам, господине, мнится: до воплощения божия, объявлял Бог свое таинство в аггелех, а аггели являются во многих образах – в человечесте, и во птиче, и в зверине, немощи для человеческой до воплощения, а по воплощении везде святым аггели являются, своим существом преобразуются, а не в божие имя являются. Не мочно бо аггелу в образ божий именоватися. Аще бы не сам Христос являлся в образ аггелом до воплощения, не мощно бо Бога вместити никому же. Ни самое небо вместити его может, бесконечно бо есть, но престол ему есть небо, а аггели и вся видимая и не видимаа тварь. Но что реку тварь? Но и вся четыре стихии в небе того для конец имеют, единаж от четырех стихий воименуется воздух, не видимо бо нами и прозрачна человеческим помыслом и видом, акы подобна божеству, и како бы нигде нет, а везде есть, и всем живот и дыхание по Бозе дарует, без него единому животну не мочно быти, ни земли, ни морю нельзя состояти, виждь, колико величество землю и море и всю поднебесную обдержит, но и та в небе конец имеет, – Бог един конца не имеет! Яко же и пророк о нем пишет: «Небо престол ему, а земля подножие ногу его» ( Ис.66:1 ). Яже и сам рече: «Никто же взыде на небо, токмо сшедый с небесе» ( Ин. 3:13 ). Виждь, яко никто же Богу сопрестольник на небеси, токмо Сын и Святый Дух Отцу сопрестолен, а яже земля подножие ногу его! Виждь, яко свое пришествие величества являя от небеси и до земли! А сия, господине, дерзнух к тебе писати своею глупостию по твоему велению. А и ты бы, господине, да не укоряя нас, к нам нашу глупость отписал. А лучить ти ся, господине, кому искусну мужу то казати, и ты бы, господине, нашего имени не являл никому. А чем, господине, укоряет или похулит нашу глупость, и ты бы, господине, то отписал к нам подлинно, что взговорят, или чем похулят, и мы, господине, того поразумев, да вперед таковы не будем. А то ми, господине, от тебе велми за честь, а яз тебе, своему господину, челом бию. Моли, господине, Бога о мне грешнем, о Христе Иисусе, аминь. Послание Иосифово к епископу Нифонту Суждальскому и Торусскому на еретики Господину государю преосвященному владыце Нифонту Суждальскому и Торусскому, грешный чернец Иосиф, нищий твой челом биет. Ведомо тебе, государю моему, нынешняя великаа беда, постигшиа Русскую землю и все православное христианство : в велицей убо церкви Пречистые Богородицы, сияющей якож второе солнце посреди всея земля Русския, и на престоле святом, идеж божествении святителие и чудотворцы Петр и Алексей и инии мнозии велиции православнии святителие посаждени Быша , и просиаша, яко же солнце, и ныне в том граде, иже мудрствующеи жидовская, глаголю ж новогородских еретиков, овех убо жидовству научают, инех же содомскыми сквернят, змии пагубные, отступницы Христовы, иже не точию сами отступиша и диаволу прилепишась, но и инех учат отврещися Христа. Первии отступницы в нашей земли, антихристовы предтеча, иже антихриста ждут, свинским житием живут сыны погыбелные иже Сына Божиа попраша, и Пречистую Богородицу похулиша и вся святые уничтожиша и икону Господа нашего Иисуса Христа и Пречистую Его Богоматерь и всех святых и всяко нечестие и претыкание и соблазн на непорочную христианскую веру положиша, и евангельская предания и апостольские уставы и всех святых писаниа отмещают: «Несть деи втораго Христова пришествия, и царствиа небеснаго святым; умерь, деи хто, и он то умер, по та места и жил». Ни в древних, господине, еретицех и отступницех таковых злодеев не бывало! И ныне о том стати некому: аще же ты потщишись за Христа и за Пречистую Богородицу и за все православное христианство стати накрепко, и тобою, господине, мнози пользуются и о тебе укрепляются вси: глава бо еси, и на тебе вси зрим, и тобою очистит Господь Бог Церковь свою и все православное христианство от жидовской скверной и пагубной ереси. Постине, государь, с первыми исповедниками и святителями, с Германом и с Никифором, и с Мефодием Царствию Небесному сподобишися от Господа нашего Иисуса Христа. Помни, богопочтенный владыко, колико лет жили есмя, милостию Великаго Бога и Спаса нашего Иисуса Христа и Пречистые его Матере молитвами и всех святых, в мире и во устроении и во всяком благоденьстве и чести. Аще убо во время мирное порадовахомся со Христом, но и во время гонения спостраждем с ним; аще во время благоденства Иисусу любими быхом, и во время ратное да не будем ему врази. Иисус распят бысть нас ради безгрешный, а мы за Распятаго нас ради не постражем ли до смерти? Что сего блаженнейше, еже за Христа пострадати и за Пречистую Богородицу? Аще бо с ним умрем, то с ним и прославимся. Аще ли же ныне не умрем о правде и о благочестии, помале туне умрем. Ныне время купли, время труду, время мене, время течению и подвигом. Воспомяни, богопочтеный владыко, богоносныя отца и учителе, патриархи-исповедники, иже до крови о благочестии подвизавшихся. Зри и вижь, какова ныне слава их и благолепие: почиша бо в мире, и гроби их фимияном мирисают, и мощи их цветут, яко благоуханный цвет, и царствует в них Господь, и душа их в руце Господни. И яко тогда Быша мнози исповедници и мученицы, с радостию и веселием крови своя проливающе за Господа нашего Иисуса Христа и за непорочную веру христианскую, ныне же сие до конца оскуде: сего ради подобает о сем паче ныне даже до смерти подвизатися, в последняя сиа лета и во время лютейшая паче всех времен, о нихже рече великий апостол Павел: «В последняя дни настанут времена люта , приидет преже отступление и тогда явится сын погибельный» ( 2Тим. 3:1 ). Се ныне уже прииде отступление: отступиша бо мнози от православныя и непорочныя Христовы веры жидовствуют втайне. Иже преже ниже слухом слышася в нашей земли ересь, отнели же всиа православие солнце, ныне же и в домех, и на путех и на торжищех иноцы и мирстии и вси сомнятся, вси о вере пытают, не от пророк, не от апостол, ниже от святых отец, но от еретиков и отступников Христовых, и от проклятых на соборе, от протопоповых детей, и от его зятя, и от их учеников, и с ними дружатся, и пиют и едят, и учаься от них жидовству, того сатанина сосуда и диаволова, протопопа и не выходят и спят у него. Постине, прииде отступление: отступиша бо человеци от истины и от правды, отступиша братолюбия и нищелюбия, отступиша целомудрия и чистоты, и на сласти совратишася, зряще на скверного пастыря, всегда сквернящегося мерзскими сквернами, еще же жидовству и отвержению учаща: се уже прииде отступление; сей есть антихристов предтеча и сын погибельный, явится во свое ему время. Аще не искоренится ныне той вторый Июда предатель, помале укрепится вся его пагубная и скверная злодеания и во вся человеки внидет отступление. Сего ради блажен необленивыйся, ниже разслаблен ныне, яко болши первых мученик и славнейши имать быти, якоже рече священномученик блаженный Ипполит папа римский: «блаженнейши же, иже и о искрених подвизайся». Се убо просит и ищет от нас милостивый и щедролюбивый Бог, яко да нами и прочии человецы пользуются и вразумятся и о благочестивей христианьстей и непорочней вере подвигнутся даже до смерти. Ныне же, богоутверженый владыко, о сих тебе пишу, не яко уча и наказуя твое остроумие и богоданную премудрость (ни бо лепо нам забывати своея меры и таковая дерзати), но яко ученик учителю, яко раб государю воспоминаю тебе, и молю, яко да наказуеши и учиши все православное христианство, еже не приходити к сквернителем онем и отступником, ни благословение от них приимати, ни ясти ни пити с ними. Аще ли же кто к ним приходити начнет, благословенна ради, или ясти с ними или пити, ведая их жидовство, тии на страшнем суде Христове о том истязани будут и с ними осужени будут во огнь вечный, яко преступницы и отметницы апостольских преданий и святых отец писаниа. Великий убо апостол Иоан Богослов глаголет: «Аще кто не исповедует Иисуса Христа во плоти пришедша, ...сей есть льстец антихристов , и не приемлите его в дом, и радоватися ему не глаголите; глаголяй ему радоватися, причащается делех его злых» ( 1Ин.4:3 ; 2Ин.1:10–11 ). И святый Апостол Павел глаголет: «Еретика человека... отвращайся , ведый буди, яко совратися таковый» ( Тит.3:10–11 ). И святый Иоанн Златоуст глаголет: «Возлюбленнии, многожды вам глаголах о безбожных еретицах, и ныне молю не совокуплятися с ними ни в ядении ни во питии, ни во дружбе, ни в любви; творя бо сия, чужа себе творит Христовы церкви. Аще кто и бесплотных житие поживет, а не исповедует православия догматы , отвращаемся и бежим ст них, яко от змия». Занеже еще и во Моисееве законе писано: «Аще кто отвержется закона Моисеева и начнет глаголати, яко не отверглся есмь, и аще будут на него сведетели два или три, и тако без милосердия убиваем бывает». Свидетельствует божественный апостол Павел и глаголет: «Отверглся кто закона Моисеева, без милосердия при двою или трех сведетелех умирает. Колико мнится сподобится горшей муце, иже Сына Божиа поправ?» ( Евр. 10:28–29 ). Зриши ли, яко ныне горшей муце сподобитися достоин ест, иже Сына Божия поправый, паче оного, иже тогда Моисеева закона отвергшегося? А иные, господине, говорят, что грех осужати еретика: ино, господине, не токмо их осужати велено, но и казнити и в заточение посылати, точию смерти предати епископом не повелено есть; а царие благочестивии и смерти предаша от жидов и от еретиков многих непокаявшихся. Православный царь Ираклий повеление изложи по всему своему царству: аще жидовин не крестится, да убиен будет. Також и амиритский царь Авраамие повеле убивати не хотевших креститися от жидов. По тех же Устин и Тиверие, благочестивейшие царие, повелеша главу отсещи епарху Адду и Елеуферию Самчию, поборником ереси «нетленно мнимыа». Федора же царица и сын ее Михаил благочестивый Анниа еретика, патриарха Константинаграда, в заточение послаша, и тамо повелеша ему очи извертети, потом же, умолением патриарха Мефодия, не извертеша ему очи, но повелеша ему дати двесте ран ременьем. Потом же вавилонский царь Моавия, во святем крещении нареченный Иоан, его же крести святый Феодор, епископ едесский, посла в Едес, повелением святаго Феодора, и повеле несториян и иных еретиков из града изгнати, и манихеяном повеле языки изрезовати. И многа такова обрящеши в божественном писании яже и сам веси, паче нас, богоученною премудростию и многим разумом, по глаголющему словеси: «Даждь премудрому вину, премудрее будеть; сказай праведному, и приложит приимати , и еже разумети закон, помысла есть блага. Сим бо образом , владыко, много поживеши лет и приложит ти лето животу» ( Притч.9,9–11 ), держащему уставы божественных отец по апостольскому преданию, в честь и в славу и поклонение единосущныя и животворящая Троица, и похвалу православныя веры, со всеми повинующимися тебе Христианы, православныа веры, ихже учиши и паствиши повелением и властию Святаго Духа, словом и учением. Господину государю пресвященному владыце Суждальскому и Торускому, Нифонту, грешный чернец Иосиф, нищий твой, господине, челом бью. Ведомо тобе, государю моему, нынешняя великая беда, постигшия Русскую землю и все православное христианство: во велицей убо церкви Пречистыя Богородица, сияющей якоже второе солнце посреди всея Русския земля, и на престоле святем, идеже божествении святителие и чудотворцы Петр и Алексей и инии мнозии велиции и православнии святителие посажени Быша , на том же престоле ныне сидит скверный злобесный волк, оболкийся в пастырскую одежу, иже чином святитель, а произволением Июда предатель и причастник бесом, иже оскверни и святительский великий престол, овех убо жидовству уча, инех же содомскиими сквернами скверня; змий пагубный, мерзости запустение на месте святом, отступник Христов, иже не точию сам отступи от Христа и диаволу прилепися, но инех учит отврещися Христа, первый отступник в светителех в нашей земли, антихристов предтеча, иже антихриста ждет, свинским житием живый, сын погибельный, иже Сына Божия попра, и Пречистую Богородицу похули, и вся святыя уничижи, и икону Господа нашего Иисуса Христа и Пречистыа Его Матере и всех святых болваны нарицая, и всяко нечестие и претыкание и соблазн на непорочную христианскую веру полагает, и евангельская предания и апостольския уставы и всех святых писаниа отмеща: «Нет, деи, второго пришествия Христова, нет, деи, царства небеснаго святым! Умер, деи, ин, то умер, – по та места и был». Ни во древних еретицех и отступницех таков злодей не бывал! А сказывал ти и самому государю моему, брат мой Васьян. И ныне, господине, о том стати накрепко некому, опроче тебя, государя нашего; аще же ты подщишися за Христа и за Пречистую Богородицу и за все православное христианство стати накрепко, тобою, господине, мнози пользуются и о тобе укрепятся вси: глава бо еси всем, и на тебе вси зрим, и тобою очистит Господь Бог свою Церковь и все православное христианство от жидовской и пагубной скверной ереси. Поистине, государь, с первыми исповедники и святители, с Германом и с Никифором и с Мефодием, Царствию Небесному сподобишися от Господа нашего Иисуса Христа. Помни, богопочтенный владыко, колико лет жили есмя, милостию Великаго Бога и Спаса нашего Иисуса Христа и Пречистыя Его Матере молитвами всех святых, в мире и во устроении и во всяком благоденстве и чести. Аще убо во время мирное порадовахомся с Христом, но и во время гонения постражем с ним; аще во время благоденства Иисусу любими быхом, и во время ратно да не будем ему врази. Иисус распят бысть нас ради безгрешный, а мы за Распятаго нас ради не постражем ли до смерти? Что сего блаженейши, еже за Христа пострадати и за Пречистую Богородицу? Аще бо с ним умрем, то с ним и прославимъся. Аще ли же ныне не умрем о правде и о благочестии, и по мале туне умрем. Ныне время купли, время труду, время мене, время течению и подвигом. Воспомяни, богопочтенный владыко, богоносныя отца и учителя, патриархи-исповедники, иже до крови о благочестии подвизавшихся. Зри и вижь, какова ныне слава их и благолепие: почиша бо в мире, и гроби их фимианом мирисают, и мощи их цветут, яко благоюханный цвет, и царствует в них Господь, и душа их в руце Господни. И яко тогда беша мнози исповедници и мученици, и с радостию и веселием крови своя проливающе за Господа нашего Иисуса Христа и за непорочную веру христианскую, ныне же сие до конца оскуде: сего ради подобает о сем паче ныне даже до смерти подвизатися, в последняя сия лета и во времена, лютейшая паче всех времен, о нихже рече великий апостол Павел: «В последняя дни настанут времена люта , приидет преж отступление и тогда явится сын погибелный» ( 2Тим.3:1 ). Се ныне уже прииде отступление: отступиша убо мнози от православныя и непорочныя христовы веры и жидовствуют втайне. Иже преже ниже слухом слышася в нашей земли ересь отнели же восия православия солнце, ныне же и в домех, и на путех, и на торжищих иноци и мирстии и вси сомняться, вси о вере пытают, и не от пророк, не от апостол, ниже от святых отец, но от еретиков и от отступников христовых, и от проклятых на соборе, от протопоповых детей, и его зятя, и от их учеников, и с ними дружатся, и пиют и ядят, и учятся от них жидовству, и от самого того сатанина сосуда и дияволова, митрополита, не выходят и спят у него. Поистинне, приде отступление: отступиша бо человеци от истинны и от правды, отступиша братолюбия и нищелюбия, отступиша целомудрия и чистоты, и на сласти совратишася, зряще на скверного пастыря, всегда сквернящегося мирскими сквернами, еще же жидовству и отвержению учаща. Се уже прииде отступление; сей есть антихристов предтеча и сын погибельный, явивыйся во свое время. Аще не искоренится ныне той вторый Июда предатель, по мале укрепиться, и во вся человеки внидет отступление. Сего ради блажен необленивыйся, ниже раз слаблев ныне, яко болши первых мученик и славнейши имат быти якоже рече священномученик блаженый Ипполит, папа римскый: «Блаженнейши же, иже и о искреннем подвизаяся». Сие убо просит и ищет от нас милостивый и щедролюбивый Господь, яко да нами и прочий человецы ползуются и вразумятся и о благочестивей христианьстей и непорочней вере подвигнутся даже до смерти. Ныне же, богоутверженый владыко, о сих тобе пишу, не яко уча и наказуя твое остроумие и богоданную премудрость (ни бо лепо есть нам забыти своея меры и таковая дерзати), но яко ученик учителю, яко раб государю воспоминаю тебе, и молю, яко да наказуеши и учиши все православное христианьство, еже не приходити к сквернителю оному и отступнику, ни благословения от него не приимати, ни ясти, ни пити с ним. Аще ли же кто к нему начнет приходити, благословения ради, или ясти с ним или пити, ведая его жидовство, той на страшнем суде христове о том истязан будет и с ним осужен будет во огнь вечный, яко преступник и отметник апостольских преданий и святых отец писания. Великий убо апостол Иоан Богослов глаголет: «Аще кто не исповедует Иисуса Христа во плоти пришедша, ...сей есть льстец и антихрист , и не приемлете его в дом, и радоватися ему не глаголете; глаголяй ему радоватися , причащается делех его злых» ( 1Ин.4:3 ; 2Ин.1:10–11 ). И святый апостол Павел глаголет: «Еретика человека... отвращайся, ведый, яко совратися таковый» ( Тит.3:10–11 ). И святый Иван Златоуст глаголет: «Взлюбленнии, многожды нам глаголах о безбожных еретицех, и ныне молю не совокуплятися с ними в ядении, ни в питии, ни в дружбе, ни в любви; творя бо сия, чужа себе творит Христовы церкви. Аще кто и бесплотных житие поживет, а не исповедует православия догматы , отвращаемся и бежим от него, яко от змиа». А иные, господине, говорят: «Мы у него не слыхали ничего»; и толко, господине, есть на него достоверны свидетели, ино так и сами вы слышели. Занеже еще и в Моисееве законе писано: «Аще кто отврьжется Моисеева закона и начнет глаголати, яко не отвергся есмь, и аще будет на него достоверные свидетели два или три, тако без милосердна убиваем бывает». И свидетельствует божественный апостол, глаголя: «Отверглся кто закона Моисеева, без милости по двою или триех свидетелех умирает. Колико мнится сподобится горшей муце, иже Сына Божиа поправ?» ( Евр. 10:28 ). Зриши ли, яко ныне горшей муце сподобитися достоин есть, иже Сына Божиа поправ, паче оного, иже тогда Моисеева закона отвергшегося? А иные, господине, говорят, что грех еретика осужати: ино, господине, не токмо их осужати велено, но и казнити и в заточение посылати, точию смерти предати епискупом не поведено есть; а царие благочестивии и смерти предаша от жидов и от еретиков многих непокаявшихся. Православный царь Ираклий повеление изложи по всему своему царству: аще жидовин не крестится, да убиен будет. Також и амиритскый царь Аврамие повеле убивати не хотевших креститися жидов. По тех же Устин и Тивирие, благочестивейшие царие, повелеша главу отсещи епарху Адду и Елеферию Самчию, поборником ереси «нетленномнимыя». Феодора же царица и сын ея Михаил благочестивый, Анниа еретика, патриарха Константинграда, в заточение повеле послати, и тамо повелеша ему очи извертети, потом же, умолением патриарха Мефодиа, не извертеша ему очи, но повелеша ему дати двести ран ремением. Потом же вавилонскый царь Моавиа, во светем крещении наречен Иоан, егоже крести святый Феодор, епископ Едесский, посла в Едес, повелением святого Феодора, и повеле несторьян и иных еретиков из града изгнати, и манихеяном повеле языки изрезывати. И многа такова обрящеши в божественом писании, яже и сам веси, паче нас, богонаученною премудростию и многим разумом, по глаголющему словеси: «Даждь премудру вину, премудрее будет; сказай праведному, и приложить приимати , и еже разумети закон, помысла есть блага. Сим бо образом , владыко, много поживеши лет и приложят ти ся лета животу» ( Притч.9:9 ), держащему уставы божественых отець по апостольскому преданию, в честь и в славу и поклонение единосущныа троица, и в похвалу православные веры, со всеми повинующимися тебе христианы, ихже учиши и паствиши повелением и властию святаго духа, словом и уставом великого архиерея, Спаса нашего Исуса Христа, ему же слава и держава в веки. А что еси, господине, ко мне писал: «Аще прокленет еретик христианина, то следует ли ему божественный суд? То еретическое проклятие во проклятие ли, или ни во что?». Ино ты сам, господине, ведаешь, что мнози еретици христиан прокляша: не последова им божественый суд, но клятва их на них возвратися. Аще и патриарх, или митрополит, или епископ еретик проклянет, не последует ему божественный суд. И многа обрящеши свидетельства о сем в божественом писании. Диоскор еретик, патриарх Царяграда, с Евтихом собрата собор с единомудреными себе епископы, и прокляша блаженого Флавиана, патриарха Царяграда, и не последова им божественый суд, но сами прокляти Быша от бога и от человек, а блаженый Флавиан со всеми святыми причтен бысть. Потом же Копроним с патриархом своим и с единомудреными себе епископы прокляша великаго Германа и всех поклоняющихся святым иконам, и сами прокляти Быша , а блаженный Герман с апостолы и патриархи и исповедники причтен бысть. Виждь, яко не последует еретическому проклятию божественный суд, но вси еретици, проклинающе христиан, собе проклинают. Аще проклинаяй Авраама проклят, по божественному гласу, колми паче еретик и отметник Христов, проклинаяй христианина, сам проклят. И мнози еретицы прокляша христиан, и не последова им божественый суд, но сами прокляти Быша . Господь нашь Иисус Христос глаголет к священным своим учеником и апостолом, рече: «Приимете Дух свят: имже отпустите грехи, отпустятся им, и имже держите, держаться» ( Ин.20:22–23 ). И паки рече: «Еже аще свяжете на земли, и будеть связан на небеси ; егоже аще разрешите на земли, и будет разрешен на небесех» ( Мф.16:19 ). Зриши ли, яко святым духом и вязати и разрешити, и оставити грехи и держати? Кроме благодати Святаго Духа ничтоже мощно кому сотворити от священных. Еретици же в себе нечистый дух имеяху сатанин, како могут на небесех и на земли вязати и решити? Великий Иван Богослов глаголет: «Аще кто не исповедует Иисуса Христа в плоти пришедша, ...сей есть лестець и антихрист" ( 1Ин.4:3 ). Богослов антихриста нарек есть еретика, то како имать после довати божественый суд антихристову суду? Потом же глаголет: «Не приемлете его в дом, ...и глаголяй ему радоватися , причящается делем его злым» ( 2Ин.1:10–11 ). Аще приемля еретика в дом и глаголя ему радоватися, причащаеться делех его злых, какову имут получити милость, иже с еретиком приобщение имеа и яды с ним? И божественый апостол Павел рече: «Но аще и мы или ангел с небеси благовестит... паче, еже благовестах вам , проклят да будет" ( Гал. 1:8 ). И паки рече: «Еретика человека... отвращайся , ведый, яко съвратися таковый» ( Тит.3:10–11 ). Великий апостол Петр глаголет: "Быша убо иногда лжепророци в людех, якоже и в вас будут лжеучители, иже внесут ереси погибели, искуплешего их Владыки отметающеся... И мнози последуют им нечистотами, ...сквернители и порочници, питающеся лестьми своими, ...очи имуще исполнь любодеяниа и непрестающа греха» ( 2Пет. 2:1–2, 13–14 ). Сиа бо не явлено ли о нынешних еретицех рекл есть божественый апостол Петр? И паки глаголеть: «Их же суд искони не коснит и погибель их не воздремлет» ( 2Пет. 2,3 ). И паки блаженый апостол Июда, брат Иаковль, глаголет: «Возлюбленнии, ...молю подвизатися вам о преданней вере святым единою . Вопроша бо неции человеци, иже древле прописани в сей грех нечестна, Бога нашего благодать прелагающе в скверну, и единого Владыки и Бога нашего Иисуса Христа отметающеся» ( Иуд 1:3–4 ). И паки: «Елика убо не ведят, хулят; елика же по естеству, яко бесловесная животная, ведят, сими сквернятся... Якоже Содома и Гомора и окрестныа их грады, подобных сим образом соблудивша и вшедшая во след плоти иныа, предлежат в показание огню вечному, суд подъемше; такоже убо и сии, сония видяще, плоть убо сквернят, господства же отметаются» ( Иуд 1:7–8, 10 ). И паки глаголет: «Вы де, возлюбленнии, овех убо милуйте разсужающе, овех же страхом спасайте, от огня восхищающе, и обличяйте с боязнию, ненавидящеи яже от плоти оскверненную ризу» ( Иуд 1:22–23 ). Подобает же и некая свидетельства сему еще приложити от божественых писаний. От жития святаго Симиона, иже на дивней горе: «Великаго Симиона, иже на дивней горе чудотворца, прозвитер некий, завистию побежен быв, проклят; и абие видев множество бесов, пришедших к нему, и связавше его опаки рукама, яко не мощи ему оттоле и святаго евангелиа прочитати». Вижь, яко аще кто недостойне проклянет или свяжет, себе проклянет и свяжет, яко же презвитер. Святого Деонисиа Ареопагита: «Яко аще святитель паче воля божиа отлучит, не последует ему божественый суд». Великого Василья: «Аще кто творит кого без благословенна быти безвременно, сам да будет без благословения». Иоанна Златаустаго: «Аще повеление развращенно имать святитель, аще и аггел будет, не покаряйся ему». Святаго Афанасия Александрийского : «Шествующе еже не прелестный, живоносный путь, око убо да извержем нечувственое, но умное, сиречь, аще епископ или презвитер, сущей очи церковныя, неподобно живут и соблазняют люди, подобает изврещи их. Уне есть им без них собиратися в храм молитвеный, неже с ними воврещися, якоже со Анною и Каиафою, в геену огненную». Святаго Анастасия Синайского: «Егда входите в дом, глаголите: мир дому сему. И аще буде ту спас мира, мир вашь почиет в нем; аще ли же не будет достоин, мир ваш к вам возвратится. Аще убо мир паки ко онем возвращается, занеже не обрести достойна себе, множае паче неблагословение и клятва возвратиться на главу неправедно ту посылающего, яко неповинно сущу оному приятию, к нему же послана бысть. Всяк убо всуе не благословляя и проклинаяй, себе не благословляет и проклинает. Глаголет бо Соломон: якоже летающеи птенци, суетная клятва не вселится ни в единаго же. Попущающу убо, якоже рехом, Богу, настают безумныя на мудрые, и нечестии на благочестивы, и неправеднии на праведныя, уничижевающе и обидяще». От святых правил: «Иже убо ереси ради некия приобщения себе отлучивше епископства, таковии не точию правильному запрещению подлежат, но и подобающая чести православным сподоблени будут. Не епископом бо, но лжеепископом и ложным учителем зазреша и церковное съединение не раздраша, но раздрания церковная и разделениа подщашася избавити». Се убо божествении апостоли и священнии учителие, патриарси и святии и седмь святых вселенских соборов, в них же бяше две тысущи святых отец, и мнози беша святии поместнии собори, вси еретиков проклятию предаша, и нам такоже повелеша проклинати их и отвращатися от них и бегати. Явственно показаша нам, яко аще прокленут нас, ничтрже нас вредит, но паче себе проклинают: то какову прииметь милость от Бога пияй и ядый с ними и глаголяй, яко последует еретическому проклятию божественный суд? Во святых правилех писано: «Аще еретик внидеть в церковь, божественая служба да не поеться, дóндеже изыидет». Аще во церковь входити еретиком не повелеша святии отцы, то како божественный суд последует им, егда христиан проклинают? От святых правил: «Иже в небрежение полагающих священная и божественая правила святых отец наших, да будет проклят». Виждь, яко еретици суть хуляще святых отец правила и тии прокляти суть: и како имать Бог послушати еретиков? Явственно бо есть, яко егда нас проклинают еретици, тогда есмя от бога благословени, яко же Господь наш Иисус Христос рече своим учеником и апостолом: «Всяк убиваяй вы, мнится службу приносити Богу» ( Ин. 16, 2 ). Якоже убо тогда иудеи и еллини, убивающе святых апостол, мняху ся службу приносити Богу, сиа ради службы осужени Быша с диаволом во огнь вечный, святии же апостоли сподобишася небесному царствию с Христом Богом, тако же и еретици, проклинающие христиан, осуждени Быша и осудяться с дьяволом во огнь вечный, и христиане же их ради клятвы сподобятся небесному царствию от Христа Бога, яко же господь наш Иисус Христос рече: «Блажени есте, егда поносят вы... и рекут всяк зол глагол на вас лжуще, мене ради» ( Мф 5, 11 ). И паки рече: «Не приидох вложити мир, но рать и нож; приидох бо разлучити человека на отца своего, и дщерь на матерь свою, ...и врази человеку домашнии его» ( Мф 10, 34–36 ). Се есть рать и нож: егда отець, или мати, или сын и дщи совратится от правыя веры, подобает ненавидети их, и отвращатися и бегати от них, яко не с ними погибнем. И сиа от сих. Послание Иосифа Волоцкого его брату Вассиану Аз же, о любимый и сладчайши мой брате, отнели же позавидев враг нашему вкупе сопребыванию, и разлучитися нам сотвори друг от друга преж смертнаго и конечнаго разлучения, и не пребысть сердце мое на месте, но аки море волнуемо бурею печали. Но тогда убо твоим пришествием мало утешение приобретах, ныне же, увы мне, всеконечно тебе от мене разлучиша, и выше естества убо воспаляясь пламень печали поедаеть мене, и острейши ныне в моем сердци вонзеся копие нашедшего на тя искушениа и на всех нас. Олядиневшу убо винограду Русския земля, и вместо благих дел плода приносяще терние и волчец скверных дел, и отнят бысть от нея оплот и стена дарований Христовых, иже рече священным своим учеником: «Веруа в Мя, дела, еже аз творю, и той сотворит и болша сих» ( Ин.14,12 ), и никто же не бысть достоин тех дарований. И сего ради мнози уклонишася к диявольским чарованием, мняще то быти истинно, и погрязнуша во глубине отступления. И снаходи бо скверный сатана, и обрете многих землю сердечную взорану и умягчену сластьми житейскыми, тщеславием и сребролюбием, и неправдою, и посея скверныя своя плевы скверноубийственых онех ехидн исчадием дерзнувших на милостиваго и сладкаго ми владыку. О земле и солнце, како терпиши! И ни единоя сквернии оставиша хулы и поругания еяже не излияша мерзкими своими языки на единочадаго Сына Божия и Пречистую Его Матерь. Подвигнися убо и ты, брате, пострадати за пострадавшего по нас, да твоими подвиги очистит Господь церковную и доброцветущую ниву от пагубных и жидовскых плевел, и порежет серпом гнева своего, и свяжет тьмою погибели, и ввержет в геенскую пещь, и мечем уст своих отсечет главу сатанина и дивия вепря, пришедшаго от луга и озобавшаго виноград его, и осквернившаго святительский великий престол, и исторгнет тя от зубов его. На искус бо пусти на нас толикую беду всевидящий божий промысл, и нас ради терпит сладчайший Господь толикую хулу, якоже и преж претерпе поругание и смерть, яко до отлучятся любящеи его от миролюбных, да не и тии с ними погрязнут в сланых водах горкаго сего моря житиа суетнаго, но да пристанут во пристанище Царствия Небеснаго. Потщися убо и ты, о любезне, отрясти сон житиа суетнаго и его пристрастна, и возвысися крилом любве Господа нашего Иисуса Христа, единочадаго Сына Божиа, изшедшего от недр отчих и воплотившася нас ради, и ради единоа любимых любве покорися страстем, иже Отцу сопрестолный Сын, иже о тем ангел восхваляем, поруганиа, и досады, и смерть нас ради претерпе. Воспалися убо и ты к нему любовию неизреченнаго его смотрениа, услажаем бесстрастныя ради страсти. И отряси малодушие от себе, и уготовися на всякиа беды и смерть его ради, аще будет время, и не помышляй тяжесть и злолютство мук, но все упование на него возложи с зелною и горящею любовию и истинным покаянием. Ныне же ти время благопотребно, восиявши весне постной. Вем бо, вем, яко послет Господь в сердце благодати росу оставившу житие се суетное, и производившему всем сердцем его ради умрети. Душа бо, упившиаея любовию Христовою, аки елень на источники, не ощущает скорбей, аще и вся вселенная подвигнется на ню; аще и небо с землею сразиться, не могут его поколебати. Аще ли же уловлена будет от диавола малодушия сетьми и увязнет ногты во мрежах слабости жития сего суетного, не возможет противустати и малому искушению, нашедшему на ню, но аки лист трепещет; малодушие бо и божию помощь творит от нас отьити, и дияволу, увы мне, возмогати на нас устраяет. Подвигнися не уловлен быти ими, и инех с собою поущай стати и пострадати за благочестие и до смерти. Аще убо не ныне умрем, умрем всяко безделною и неполезною смертию, и та бо поистинне горка ничим же легчяйши тоа, якоже нас божественая писания учят, и братиа наша исходящей предпоказуют злолютство тоя. Иже бо Христа ради смерть, тело оскорбляет, но душю надежею веселит; сиа же бо тело болезнию мучит, душю же безнадежием совести ради греховъныя. Потщися убо сотворити, брате, благу весть слышети о тебе. Помяни убо, еже от юности твоей сопребывание со мною, и еже о бозе духовную любовь помяни, яко от млады връсты тя восприах. Помяни и смертную лютую чашу, ея же горькаго пиянства всяк видев, солнце сиа не может гонзнути. Помяни, како с Христом царствуют страдавшеи его ради и зрят пречистое лице его. Сам бо рече: «Идеже есмь Аз, ту и слуга мой будет, и аще кто мне служит, почтет его Отец мой» ( Ин. 12,26 ) и «иже исповест мя пред человеки, исповем его и Аз пред Отцем моим небесным» ( Мф.10:32 ). Помысли, каков свет радости срящет тогда душу, егда речет Христос: «Сей, Отче, исповесть мене пред человеки во времена лютейшая паче всех времен, исповежь его и ты пред аггелы своими». К отвершему же ся речеть: «Сей отвержеся меня пред человеки, да отвержен будет от лица твоего пред аггелы твоими». Но аще покажеши произволение благо, многу ослабу грехом подаст ти Бог. Понеже бо постигохом во времена лютейшая паче всех времен, еже не бысть, Христе милостивый, отнели же солнце благочестия нача сияти в Российской земли. Возвеяша бо пагубнии жидовстии тлетворнии ветри, хотяще разбити душевный нашь корабль и потопити богатество благочестиа слаными водами скорбей, иже излиаша на тебе, их же надеюся волнением и аз обуреваем быти и вси верующеи истинно в господа Иисуса Христа, дóндеже уставит Господь жидовскую бурю и наставит на пристанище благочестия, и явит истинного кормчия в корабли церьковнем молитвами Святыя Богородицы и всех святых. Аминь. «Послание брату Вассиану» издается по списку БИЛ, Рогожск. № 530 (Р); разночтения и исправления по спискам ГПБ, F. 1.229 "(Т)" и ГПБ, Дух. ак., А. II. 39 "(А)" . Послание Иосифа Волоцкого архимандриту андронниковскому Митрофану Государя нашего великого князя Ивана Васильевича всея Руси духовнику, господину архимандриту Андроникова монастыря Митрофану, грешный чернец Иосиф, нищий твой, господине, челом бью. Коли, господине, был есмь на Москве, ино, господине, государь князь великий, Иван Васильевич всея Руси, говорил со мною наедине о церковных делех. Да после того почал говорити о новогородских еретикех, да молвил мне так: «И яз, деи, ведал новогородских еретиков, и ты мя прости в том, а митрополит и владыки простили мя». И аз ему молвил: «Государь! Мне тобя как прощати?». И он молвил: «Пожалуй, прости мя!». И яз ему молвил: «Государь! Только ся подвигнешь о нынешних еретикех, ино и в прежних тебе Бог простит». Да туто же было мне ему бити челом о том, чтобы государь послал в Великий Новгород, да и в иные городы, да велел бы обыскати еретиков, и князь великий послал мя на дело. Да после того, господине, государь князь великий вызвал мя к себе, да почал говорити мне наедине духовные дела. И яз ему почал бити челом, чтобы послал в Великий Новгород да и в иные городы, да велел бы обыскивати еретиков. И князь великий молвил: «Пригоже тому быти, а и яз, деи, ведал ереси их». Да и сказал ми, которую держал Алексей протопоп ересь, и которую ересь держал Феодор Курицин. «А Иван, деи, Максимов и сноху у мене мою в жидовство свел. А одно лично, деи, пошлю по всем городом, да велю обыскивати еретиков, да искоренити». Да после того, господине, поехал есми с Москвы. А о том ми государю нелзя было бити челом, а что, господине, мне молвил государь: «Митрополит де и владыки простили мя в том». Ино, господине, государю великому князю в том прощении нет пользы, кое словом прощается, а делом не покажет ревности о православной вере христианской, еретиков не велит обыскати. А ведаеть государь, каково злодейство еретическое, какову хулу глаголали на Единородного Сына Божия, на Господа нашего Иисуса Христа, и на Пречистую Его Матерь, и на вся святыа, и каково сквернение чинили над божествеными святыми церквами, явши и пивши, и блудом сквернящеся, да того же дни и обедню служили, а святыа иконы и божественые и жвотворящие кресты иные огнем жгли, а иные в скверные места пометали, а иные ломали, а иные топором рассекали, а иные зубы кусали, как беснии пси. Ино, господине, тобе о том государю великому князю пригоже да и должно поминати. Будет государь во многих делех царских прозабыл того дела, ино, господине, ты не забуди, в том деле государя побреги, штобы на него божий гнев не пришел за то, да и на всю нашю землю. Занеже, господине, за государское согрешение Бог всю землю казнит. Да лучило ми ся, господине, у великого князя хлеба ести, и он мя призвал, да почал спрашивати: «Како писано, нет ли греха еретиков казнити?». И яз почял говорити, что апостол Павел к евреем писал: «Аще кто отвержется закона Моисеева при двою или при трех свидетелех, умирает ; колми паче, иже Сына Божиа поправ... и Дух благодати укорив» ( Евр.10:28 ). Да по та места, господине, мне князь велики велел престати говорити. И мне, господине, мнится, кое государь наш князь великий блюдется греха казнити еретиков. Ино, господине, тобе пригоже государю поминати, каково имели подщание и ревность первии благочестивии царие о непорочней христианстей вере и како еретиков по проклятии в заточение посылали, а иных казньми казнили. Вси благочестивии царие, кои были на седмих соборех, еретиков по проклятии в заточение посылали и казньми казнили, а иные цари и на соборех не были, а еретиков казнили. Православный царь Ираклие повеление изложи по всему своему царству: аще жидовин не крестится, да убиен будет. Тако же и Омиритский царь Аврамие повеле убивати не хотевших креститися жидов. По тех же Устин и Тивирие благочестивии царие повелеша главу отсещи епарху Аддусу и Елеферию Самчию, поборником ереси. Феодора же царица и сын ея Михаил благочестивый, Анния еретика, патриарха Константина града, в заточение повеле послати и дати ему двесте ран ремением. Потом же вавилонскый царь Моавия, в светем крещении нареченый Иоан, его же крести святый Феодор, епископ Едесский, посла в Едес повелением святаго Феодора и повеле несториан и иных еретиков из града изгнати, а манихеяном повеле языки из резывати; и много такова обрящеши в божественом писании. Божественая же правила повелевают, в еже о градских законех, сице: иже сподобившеися святаго крещениа, и отступлеше православныя веры, и еретици бывше, или творящеи еллиньскиа жертвы, конечней повинни суть муце; аще жидовин дерзнет развратити христианскую веру, главней повинен есть казни; манихеи же или инии еретици христиане бывше и потом начнут еретическая творити или мудрствовати, иже таковыя сведающе, не предающе их князем, конечней муце повинни суть; аще ли же кто, воевода или воин, или сонмища началник, должни суть о сем пещися, егда хто будет еретическая мудрствуя или творя, и аще увидевше не предадять его, аще и правоверии сами суть, конечную муку подоимут. И святый Иоан Златауст глаголет: «Иже еретиком приобщаяся в совете или в дружбе и в ядении и в питии, и с ними осужение да приимет». Сице убо творяху благочестивии царие и святии отцы не от себе умысливше, но от апостольских писаний сие приимше. Глаголет бо великий апостол Иоан богослов: «Аще кто не исповедует Иисуса Христа бога, сей есть лестец и антихрист – таковаго в дом не приемлете. Приемля же таковаго в дом причящается делех его злых» ( 1Ин.4:3 ). И великий апостол Павел глаголеть: «Еретика человека... отовращайся – зело бо совратися таковый" ( Тит.3:10–11 ). А коли, господине, бил есми челом великому князю на Москве о том, чтобы послал по городом, да еретиков обыскал, и князь великий молвил: «Пошлю, деи, часа того, да того обыщу; а толко, деи, яз не пошлю, да не попекуся о том, ино, деи, кому то зло искоренити?». И яз чаял – тогдыже государь пошлет; ино уже тому другой год от велика дни настал, а он государь не посылывал, а еретиков умножилося по всем городом, а христианство православное гинет от их ересей. И только бы государь восхотел их искоренити, ин бы вскоре искоренил, поимав дву или трех еретиков, а оне всех скажут. А ныне, господине, на тобе то дело лежит, занеже ты государю отец духовной. И ты, господине, подщися вседушно государю подокучити, оставив вся дела; занеже божие дело всех нужнее. А толко, господине, ты о том деле не попечешься, ни донесешь до великого князя, ино, господине, на тобе того Бог взыщет. «Страшно бо есть еже впасти в руце Бога жива» ( Евр.10:31 )! А толко, господине, попечешся всею силою, и ты государя ползуешь, а от Господа Бога и Пречистые Богородици милость приимешь. Да каково, господине, будет о том государское попечение, и ты бы, господине, ко мне пожаловал отписал, и яз тобе, господину моему, челом бью. «Послание Митрофану» печатается в настоящем издании по списку БИЛ, Ротожск. № 530 (Я); разночтения и исправления – по списку ГПБ, F. I. 229 (Г) Печатается по изданию: Памятники старинной русской литературы, издаваемые Графом Григорием Кушелевым-Безбородко. Выпуск четвертый: Повести религиознаго содержания, древния поучения и послания, извлеченныя из рукописей Николаем Костомаровым . – СПб, 1862. – с. 208–209. Рукописный отдел Музея истории религии и атеизма, ф. № 1, оп. № 1, ед. хр. 190, л. 4. см.: Описание рукописей Уварова, ч. 1, стр. 206, № 240 осн. списки простр. ред.: «милости» ср. разночтения к пространной редакции по списку Б и краткую редакцию В дальнейшем вся аргументация в пользу первоначальности краткой редакции принадлежит А. А. Зимину (стр. 421–423 и примечания на этих стр.); вся аргументация в пользу противоположной точки зрения – Я. С. Лурье (последний абзац стр. 423, стр. 424 и соответствующие примечания). Q.XVII.64 наиболее ранний список пространной редакции – Рог. № 530 – относится к 1557 г. Вряд ли оно могло быть составлено в сентябре-октябре 1490 г. при Зосиме, до собора 1490 г.: Иосиф Санин не знал, конечно, какую линию поведения изберет Зосима. Открыто обращаться к Нифонту, минуя его, было бы нелепо. В 1490 г. именно к Зосиме написал послание учитель Иосифа Санина Геннадий В тексте подчистка. Первоначальный текст неясен О близости Зосимы к нестяжателям свидетельствует, на наш взгляд, не столько упоминание Татищева, неизвестно на каких источниках основанное, сколько половинчатое решение собора 1490 г., проведенного под воздействием Зосимы. Кстати, он после ухода с митрополии оказался в конце концов в цитадели нестяжателей – Кирилловом монастыре. Во Владимирском летописце говорится, что «Зосима остави митрополью по своей воли иде на Симаново, а оттоле к Троице в Сергиев монастырь, а оттоле на Белоозеро» (М. Н. Тихомиров.Из «Владимирского летописца». Историч. зап. кн. XV, стр. 290). Изучение истории вотчины Симонова монастыря показывает, что рост владений симоновских старцев прекратился в то время, когда там был архимандритом Зосима. Это также свидетельствует о нестяжательстве Зосимы. Нам представляется (вопреки взгляду Я. С. Лурье, изложенному ниже, стр. 444–445), что и та редакция «Сказания о новоявившейся ереси» (Просветителя), которая содержит нападки на Зосиму, является не первоначальной, а вторичной. В пользу этого, по нашему мнению, говорят следующие аргументы: 1) выпады против Зосимы (кроме одного) отсутствуют в списках так называемого Троицкого извода краткой редакции «Просветителя», содержащего, по нашему мнению (стр. 498–499), наиболее раннюю, 10-словную редакцию «книги Иосифа», 2) выпады против Зосимы отсутствуют и в «Сказании» 15-словной редакции (Минейный и Епархиальный изводы), где «Сказание» имеет наиболее древний заголовок «Инока грешного Иосифа сказание о новоявившейся ереси». Просветитель, стр. 467–468. Просветитель, стр. 472. Может быть, вторая часть – особое послание, адресованное даже не Нифонту (ср. характерное «А что еси господине, ко мне писал»); ведь идет же после «Послания» Нифонту особое послание Вассиану. Ведь перед ним помещена концовка («Держава во веки...»); нижеследующие выдержки из Златоуста и др., имеющиеся в пространной редакции (и отсутствующие в краткой редакции), не связаны с текстом «Послания» к Нифонту и может быть к нему не относятся вовсе. ГПБ, Q.XVII.64, л. 222 и сл. Послание Третьякову написано до примирения Василия III с Серапионом (апрель 1511 г.), так как в этом произведении даже не упоминается об этом примирении. После начала ссоры с Серапионом прошло уже много времени («не отписал о том долго»), ибо Иосиф Санин 2 1 2 года уже болел (начало болезни относится ко времени ссоры с Серапионом). 3 января (очевидно 1511 г.) Иван Головин послание Иосифа Волоцкого уже читал ( А. С. Архангельский . Нил Сорский и Вассиан Патрикеев. СПб., 1882, стр. 48). Мы исходим здесь из высказанного выше (стр. 422, прим. 4) взгляда, согласно которому более ранняя редакция «Сказания» не содержала выпадов против Зосимы. Эта редакция «Сказания» была, очевидно, составлена до написания пространной редакции «Послания Нифонту» и могла испытать влияние только краткой редакции «Послания». См. стр. 376. Впрочем, «от жидов» может быть понимаемо в смысле «из числа жидов». Против составления пространной редакции «Послания» Нифонту задним числом около 1504 г. говорит также то, что, при анонимном характере выпадов против, митрополита в этой редакции, они звучали бы не как адресованные против уже отставленного в этот момент Зосимы, а как направленные против действующего митрополита Симона (стр. 152, прим. 25). Высказываемая здесь точка зрения непосредственно связана со взглядом, согласно которому в первоначальной редакции «Сказания о новоявившейся ереси» выпады против Зосимы читались, исключение же этих выпадов было произведено после 1511 г. (стр. 444–445 и 449–455). Q.XVII.15