Послание к собору, бывшему в Москве в лето 6998 г.

Предисловие издателя Послание Святейшим боголюбивым братии нашей архиепискупом: Тихону архиепископу Ростовскому и Ярославскому, Нифонту епископу Суздалскому и Туровскому, Васьяну епископу Тверьскому, Прохору епископу Сарскому и Подонскому, Филофею епископу Пермскому 7 . О сем вам воспоминаю, братии нашей: прислал князь великий ко мне грамоту, а митрополит другую о поставлении коломенскаго владыки, а безъимянно кого. А велят ми отпись дати безъимянно же такову, какову Геронтию митрополиту взяли у мене. Да прислал ко мне митрополит и списки с тех грамот, а яз не дал таковой отписи 8 , да о том есми отписал к великому князю да и митрополиту, а вам то, братии нашей, ведомо же будет, как митрополит велит чести ту грамоту пред вами. А о коломенском владыце, да и о инех, коли прилучитца, посылали бы ко мне именно, кого ставити. И яз отписи даю такие законные, какие иные братья наша давали. А не изпешили бы есте еще ставити владыки: преже бы есте стали накрепко о том, чтоб еретиков обыскали накрепко, да тех бы князь великий велел казнити. А Захар чернец пишет в своих грамотах, что на мене послал по всем градом грамоты: зовет мя еретиком, а яз не еретик. А и писано: «аще тя кто назовет еретиком, да не приимеши; аще ли приал еси, отвергъся есть Христа». И яз с его грамоты к вам список послал. А по Захара есми посылал того для: жаловалися мне на него черньцы: перестригл их от князя Федора от Белскаго, да причастья три годы не давал, а сам деи не причащалжеся. И как яз его призвал, да почал его спрашивати: «о чем ты тако чиниши, что есь сам три годы не причащался» ? И он ми молвил: «грешен есми». И яз ему молвил: «о чем же ты перестригл детей боярских, да и от государя еси их отвел, а от Бога отлучил, что есь и причастья не дал три годы»? И он ту свою ересь явил: «у кого де ся причащати? Попы деи по мзде ставлены, а митрополит деи владыки по мзде ставит». И яз молвил: «а се митрополита ставят не по мзде». И он молвил: «коли деи в Царьград ходил митрополит ставитися, и он деи патриарху дань давал, а ныне деи он бояром посулы дает тайно, а владыки деи митрополиту дают деньги: ино деи у кого причащатися»? И яз познал, что стригалник еретик. Это послание издается по сборнику сол. библ. № 852, л. 341 об.– 342. Сборник писан в конце XVI века. См. в описании рукописей Толстаго, т. 2. № 254. В А. Э. т. I, № 380. См., например, Полн. Собр. Летоп. т. IV. стр. 158. А. Э. т. I, № 382. 383. См. статью: «Отношения иноков Кириллова Белоезерскаго и Иосифова Волоколамскаго монастырей в XVI веке» в Приб. к твор. св. отцев, ч. 10, 1851 г. По летописным сказаниям, на соборе присутствовал еще Симеон Рязанский, упоминаемый после Нифонта Суздальскаго. Полн. Собр. Летоп., т. IV, стр. 158. Это обстоятельство замечено и в летописях: «тое же осени, ноября 18, в четверток, поставлен бысть епископ Коломне Аврамей, игумен Угрешскый, ...а Ноугородцкыи архиепископ Генадеи грамоты своея полныя не прислал на его паставление». Там же, стр. 159.