Похвальное слово епископу Ипатию Гангрскому

о святем Ипатии Гангрьсцем епископе и чюдотворцы 1 2 Прииде нам днесь, иже добрых виновный и венечник светлый святитель и мученик Ипатие еже бы по достоянию похвалити мужа. Сей не наша грубая словеса точию превъсходит, но и многоученых мудрец могий превзыти словеса. Нам же како будет по достоянию похвалити его, но токмо воспоминанием Ипатиа освятитися. Есть бо освятитися нам 3 памятию святаго подвиги его почитающи. Не от прилучающих бо ся подвижников еден Ипатие пришедый к нам днесь, ниже иже древле по еллинох бывающих подвижников, именуемых олимбийскых 4 , ниже в колесницах тичющих управление, ниже иных таковых подвижников. И елиньстии убо подвижницы о 5 щетных трудовох истленен 6 венец от смертнаго подвигоположника приемлют. Но чюдимы нами Ипатие подвигом убо подвизася добрым 7 наставлься от Павла апостола, веру съблюде, течение сконча прочее щадимый тому правде венец восприемля, не от смертнаго подвигоположника руки усвянувших цветец 8 венец 9 по еллиньскых отрок борению, но от руки царя царем и господа господем единаго безсмертнаго венец нетленный съприсносущным животом приемля, от добрый своих трудовох честного святительства и божественнаго исповедания дивных потов его с сими же и мученичества почестей наслаждение мученическы бо жызнь Ипатиеви соверьшись. Святительство священно 10 прежде исправив, стадо порученное тому христоименитое, яко истинный пастырь упас. Пастырем начальнику Христови всесоверьшенно представи пагубныя волкы отгнав 11 , хотящая погубити Христово стадо, и ереси погибелныа обличив, потреби. И той бо посреде триех сот и 18-тих богоносных 12 святых отец съпровозсия, стекшихся уяснити православную веру, в единосущную препетую троицу: отца и сына и святаго духа в первом вселенском соборе и чюжаго Ария прокленших, возмутившаго злым своим учением святую соборную и апостольскую церковь Христову, спроповеда отцем во вселенстем соборе 13 Ипатие сей господа нашего Исуса Христа, сына божия единородна суща, от бога отца рожденна прежде всех веков, яко света от света, яко тако бога истинна от бога истинна рожденна, а не сотворенна единасущна отцу им же вся Быша , аще вецы, аще небеса, аще земля 14 , и яже в них, аще кая видимая, аще кая невидимая, вся тем Быша и без него ничто же бысть, еже бысть. Нас же ради в 15 человекох и нашего ради спасениа съшедшаго с небес и въплошьшась от духа святага и Мария девы въчеловечьшась, и распята за ны, страдавша и погребена, и воскресша тридневно, и въсшедша на небеса и седяща одесную отца, и паки грядуща 16 судити живым и мертвым и царьствующа бес конца. Тако Ипатие проповеда Христа бога, страшнаго его таинства смотрение с преполным того божеством бога отца благоволением 17 , безумнаго же Ария, новаго Иуду, на единосущное божество хуляща посреде собора Ипатие всесвятаго духа силою богодухновенным писанием обличаа, посрамляша, предлагая словеса священнаго писания Ветхаго и Новаго, наипаче божиа словеса Евангелиа господня и божественных апостол. Злоименитый 18 Арие, научився еллинскому учению и суемудряа по еллинох богы болшая и богы меншая умышляше, и благочестие ратование 19 бранем со именныи еллинскими баснями, глаголяше бо 20 большаго бога отца быти и меньшаго бога сына сътворена на здание 21 твари, да сыном тварь зиждет 22 бог. О безумиа зря предо очима выну орудия, ими же в нас сотворяются вещи, хуждьши суть отвещи, орудия бо соделовающая паволоки и колико хуждьши суть орудия паволок? Такоже и соделовающая златыа сосуды, колико хуждьши суть орудиа сосудов златых, сотворенных ими и многа бо таковая обрящут, колико обезумствовася Арие глаголя величати ему бога отца тем им же сына его сотворенна наречет 23 . Елиньскии убо басноглаголники богу величие сътворити глаголяше, да сына его хуждьша здание наречет. Зинув бо богоратничьская уста скверным языком своим изблева Арие бяше глаголя 24 , некогда время, егда не бяше сына и бысть сын, да сыном бог сотворит мир. Колико убо нечестие есть таковое Ариево и како премудряяся безумием не могий поне сего разумети: ножица швецы имут 25 да краят 26 царскиа багряница 27 , и убо ножица и иглу сътворяют да ножицами кроят багряницу, иглу же сотворяют да сшивают царскую багряницу. И кто не весть, колика худость от багряница, ножица и иглы? Арие же уподобляет тварь багряницы, сотворшаго же тварь Христа уподобляет ножицам и иглы. Ипатие 28 же чюдный своим исповеданием и светлостию божественных правых велений апостольскых и евангельскых, богохульнику зле зияющая уста на бога загради и обличив того посрами и конечному проклятию врага святей соборней и апостольстей церкви придаде, светло с отцы богоносными всесвятую троицу единосущну православно проповеда, безначальна бога отца, от него же събезначална 29 сына единороднаго бога истиннаго от бога истиннаго, господа нашего Исуса Христа и всесвятаго духа господа и бога, от бога отца исходящаго с отцем и сыном покланяема и славима, троицу безначалну и единосущную в трех составех 30 , единаго бога благаго сътворшаго небо и землю и вся, яже в них видимая и невидимая, по богословию верховнаго богословца и евангелиста, исповеда бо бога отца безначална, бога сына единороднаго собезначална отцу, не бяше времени никогда же, егда не бе сына, но в начале бе слово съ отцем и слово бе у отца присно 31 искони и вся тем Быша и без сына 32 ничтоже 33 бысть, еже бысть. И аще небеса, и земля видимая и невидимая, и аще времена, и аще векы 34 всяческая тъй сын божий единородный сътвори. И аще веки и времена и лета Быша сыном божиим, како сотворенная будут прежде творца их, и како будет век, или время 35 , или лета старее сына божия, сътворшаго веки и время 36 , и лета без него ничтоже бысть еже бысть 37 , время и лета, и век бысть. Сын же божий единородный всегда присно есть, а не 38 бысть, яко сын бяше всегда и не бяше никогда же, егда не бяше, но всегда бяше сын у отца бога сын единородный и 39 святым духом единославен съпрестолен съвладычествуя 40 равен рождьшему его отцу и единосущен. Подобно бы нам в памяти святаго сего 41 мученика и святителя Ипатия в единых богословных 42 его учениих, яко в раю напитоватися к утешению и научению нашему и воспоминанием многих его 43 чюдес и мученичаскаго окончаниа его возвеселившися тръжествовати, но никто же ми порцы, иже тепле любящих святаго, хотящу ми предложити и от словес бывших во святом и великом вселенском 44 соборе. Понеже слышах и ныне некых жаб, в тине плъзающих, квоктания, по оному же Арию безумных ересь, рех же убо их 45 жабы в тине плъзающих от Ария и ище, понеже Арий свою ересь състави опираяся философии и многих философов поборников по себе на прение ко святым отцем приобрете; еще же и житием нерастленным, ниже пияным, живяше Арий: протопоп бо от патриарха Ахыллы Александрейстей церкви поставлен бысть, иже и образ жития показаваше прельщаемым от него к 46 своей ему ереси. Сии же еретицы, о них же ныне слышах, их же и жабы нарекох по сему, понеже безсловеснейши свиней суть, токмо змииное шептание имуть, не токмо 47 , грамотическых не ведяху словес, неже и поборников мужей философов, но ниже народных грамот ведят или умеют почитати. Токмо в пияньстве и в объядении, и в нечистотах всегда, аки жабы в тине жируют. Таковым гроб отвърст, грътань их клокочют зловоние Ариево же 48 , паче же и злее Ария во лжы и хулы на бога. Не мню же и сему 49 сие святому Ипатию несладлстно быти, еже произведохся в память его предложити, яже святии на обличение Арию изложиша, паче же и усладитеся ему о сем болма, непщую елма в нас Христос прославляется ныне единосущен богу отцу. О нем же святому Ипатию весь подвиг бысть с богоносными отцы во святом великом соборе перьвом. О нем же подвизася добре и все время живота своего. О нём же и блаженную коньчину прият побиением. По исповедании единосущныа троицы божественей смерть с страстию притеръпе. Како же ли не усладится и ныне святитель Ипатие? Нам болший подвиг его, еже о православной вере глаголющим и славящим 50 с ним и нам препетую пресвятую троицу единосущну: триедино и едино три бога единаго в трех съставех 51 , отца и сына и святого духа животворящаго. И Арий проклинается от правоверных, с ним же и новыя жабы, нырающие в тине злобесия страстей. Понеже чюжий Арий скверьными усты своими от священных словес зле на препинания изношаше к отцем перваа богопроповедников богодухновенная уста 52 , яже в плоти смотрения отчим благоволением единороднаго сына божия господа нашего Исуса Христа претыкались Ариеви вознепщевася к своей ему погибели иже и надомяся 53 разума помысл своих 54 разседание Июдино пострада. Таково бо 55 что богопроповедник Павел писа в послании 56 Коринфом яко Христу благоухание есмы богови во спасеных и погибелных, овем убо воня от смерти в смерть, овем же воня от живота в живот, еже случися чюжему Арию воня погибели. Понеже писанная добре богопроповедники Арий прият зле, собрав бо словеса честная, яже от Евангелия и от апостола предлагааше к препиранию отцем, в них же и чюдотворивый 57 сей отец Ипатие. Глаголаше же Арий: “Христос несть рожден от существа отча божия, но создан прежде всех и тем сътвори бог всю тварь”. Писано бо есть 58 , яко глаголет премудрость: Господь созда мя в начаток путий своих, в дела своа. И Пётр в Деяниих глаголет, яко бог сътворил есть и господа и Христа сего Исуса. И Павел к евреом пишет: Верна рече сотворшему его. Сия священныа глаголы Арие зле на хуление единородному сыну божию господу и богу нашему Исусу Христу предложи. Божественный же Ипатие с святым Афонасием добре научиша нас 59 сия священныя глаголы приемше на смотрение, еже на спасение нам, единороднаго сына божия, яко же истинна во святом писании есть и глаголаше и проповедаше, яко есть премудрость съставная 60 господь наш Исус Христос, и глаголет о себе воплотився в человечество яко господь созда мя в начаток путий своих, в дела свои. Сия, еже въчеловечитися и распятись, и пострадати, и умрети за всяческая, и съоживити всяческая въскресением своим 61 , и призвати вся языки в познание бога 62 отца, и оправдити вся, яко же самое сие писание показует. Не тварь бо созидати премудрость созда господь, но в начаток путий своих, в дела своя, созда господь премудрость, рекше искупити ны своею кровию богови отцу, а не еже Арий злословит хуля, глаголя, в дела своя созда бог премудрость во творение твари, но в дела своя в она господь созда премудрость. Яже и в Евангелии с небеси свидетельствова, глаголя: Сей есть сын мой возлюбленный, о нем же благоволих. Еже и Павел пишет: Прежде век тайна сокровеннаа от родов явльшижесь ныне писании пророческыми. Понеже созда бог духом святым в утробе девыя плоть премудрости своей единородному сыну своему в начаток путий своих, рекше путий, и ми же да спасет всех, в дела своя, в них же бысть Христос послушлив до смерти отцу своему, смерти же крестней, Яко же Павел пишет, несть бо поведано писанием во творение твари похожениа божия в путех ни единоя твари, но рече бог и бысть тварь. Зде же глаголет: Господь созда мя в начаток путий своих, в дела своя, еже чисто показует благоволение божие. Начаток путей божиих и дел его – спасение человечеству въплощением единороднаго его сына. Понеже внегда создание твари, глаголет тамо 63 о себе премудрость, рече бех ему подобна, а не рече, создана бех. Аз бех о ней же радовашесь, рече, собезначалное показует 64 , яко не внегда 65 создатися плотию начаток бысть премудрости божии, но прежде всех холм ражает мя, рече, и егда готовляше небо и всю тварь бех ему подобна прежде даже создатись плотию в человечестве. Тамо не глаголет господь созда мя, но глаголет 66 ражает мя и внегда созидати ему тварь и тогда бех ему подобна рече, а не рече, создана бех, но рече тогда бех ему подобна. Тем же самаа словеса показуют сущее в плоти создание въчеловечение сына божия: в начаток путий благоволения божия о нем в дела своя ими же созда церковь: страданьми, крестом и воскресением, еже самый в Евангелии глас съй: Разорите, рече, церковь сию и треми дньми воздвигну ю. Тако же и богопроповедник Петр богословив прежде о Христе показа его бога суща и внегда же въсприяти господне, еже плотию распятие, тогда и сотворение воспомяну глаголет бо помянув 67 пророчество Давыдово о воскресении Христове, яко не оставися душа его в аде ни плоть его виде истления, и рече: Сего Исуса въскреси бог, ему же мы есми вси свидетели, та же присносущное его божество проповедая рече: Десницею убо божию възнесъся обетование же святаго духа прием от отца. Излия се, еже вы ныне видите и слышите, не бо Давид взыде на небеса глаголет бо сам: Рече господь, господеви моему седи одесную мене, дóндеже положу враги твоя подножие ногама твоима. Таже проповедает паки крест и сущаго уже сотворениа 68 глаголет, а не от небытиа 69 сътворение его глаголя твердо убо да разумеет весь дом Израилев, яко и господа и Христа его бог сътворил есть сего Исуса, его же вы распясте. Яко же и царь сына своего сътворит 70 царя, не несущаго, ниже не роженнаго сына своего царь сотворяет царя, но уже преже роженнаго и всегда с отцем царствующаго и ново прославляа того роженнаго древле сына своего и сущаго сътворяет его царя, яко же Давид Соломана сотвори царя роженнаго уже и сущаго. Соломан же не тогда бытию своему начало принят, внегда Давид сотвори его царя, но 71 прежде сотворениа царем рожен Давидом Соломан от Вирсавиа. Сие и Петр, не начало бытия Христова сказуя, глаголет, яко и господа и Христа его бог сътворил есть 72 Исуса, но сущаго уже 73 того, его же вы распясте, рече. Аще и распясте Исуса, рече, не мнитесь уже 74 , яко и убиете его и смертию истлети ему, но бог сътворил есть от распятия и господа 75 Христа сего Исуса, его же вы распясте, рече. Такоже и Павел богопроповедник богословив и показа Христа бога истинна несотворена. Внегда же воспоминая Христово, иже во плоти отчаго благоволениа о нем нашего смотрениа 76 смотрение, тогда сотворение прият, глаголет, бо многочастне и многообразне древле глагола бог отцем, пророки 77 впоследок дний сих глагола нам сыном, его же положи наследника всем, им же и веки сотвори иже сын сияние славе и образ состава 78 его нося же всячесная глаголом силы своеа собою очищение сътворив 79 грехов наших, седе одесную престола величествиа на высоких. Аще сияние славы божия Христос, тем же несть сотворен сын, но рожен. Сияние бо от существа самого славы есть, а не от вну 80 приближаяся сияние славы, но само существо славы сияет. И посему зело единосущна сына отцу Павел проповеда и съсущна сына отцу суща, а не последи сын отца, ни бысть егда не бе, но присносущен отцу сын. Понеже славы сияние несть послеже, ниже бе слава, егда не бе сияние, несть бо слава никогда же без сияниа, но присносущно сияние славе. Ни может же слава без сияния явитися и в солнцы бо слава никогда же без сияниа, аще когда и заступит землею от сианиа солнечнаго или луна подпад солнцу, но солнечнаа слава единаче сияет, а не без сияния солнце, иже и 81 краеве солнечнаго тела являют, внегда от луннаго круга отступати начинают. По сем глагола Павел, яко плоть прият господь от семени Авраамля и уподобися по всему братии, рекше, человек совръшен бысть. Та же рече и милостив будет и верен перьвосвященник, яже и богу, еже оцыстити 82 грехы людем. Еже и Давид глаголет: верен господь во всех словесех своих и преподобен во всех делех своих 83 . И тако глаголет Павел: Братиа святая званию божию причачастницы разумейте посланник 84 апостола и святителя 85 исповеданию нашему Исуса Христа верна суща сотворшему его, и прирече, глаголя, яко же Моисей верен во всем дому своем и по мале множаишей бо славе паче Моисея сын 86 сподобись, яко же елику же множайшю честь имать 87 сотворивый его, всяк бо храм созидается от некоего, а сотворивый всяческая – бог 88 . И Моисей же убо верен во всем дому своему, яко угодник во сведетельство глаголанным, Христос же, яко сын в дому своем. И Павел не исконное бытие Христово глаголет верна суща сътворшему его, рекша апостола и святителя верна суща сотворшему его, святителем и апостолом, еже в плоти смотрение глаголет сътворен святитель Христос сущий уже сътворен святитель 89 , а 90 не бытию Христову начало сътворение глаголет Павел, но святительству сотворение и послание сущее во плоти. Им же и Моисеа представи сотворена на избавление Израилю от Египта. И понеже рече Моисей пророка вам воставит 91 господь бог от братиа вашея яко мене того послушайте во всем. И показует им Павел, яко Христос паче есть Моисеа, а не яко и 92 Моисей. Аще и прирече, яко 93 и Моисей верен во всем дому своему, Христос верен сътворшему его и святителем и посланником. Толико 94 различно Христово от Моисея положи елико сътворивый дом, рекше, якову же честь владыка над рабы имать. Моисей бо яко угодник, Христос же понеже сын в дому своем. Тако Ипатие с богоносными отцы Ариа низложиша похуливша сына божиа и немы сотвориша уста его глаголющая на бога неправду. Господа же и бога нашего Исуса Христа сына божиа единороднаго единосущна богу отцу проповедаша бога истинна от бога истинна ражена, а не сотворена прежде всех веков им же Быша вся 95 . Сам бо господь и бог и спаситель наш рече Исус Христос: Никто же знает сына, токмо отец, ни отца кто знает, токмо сын и ему же аще волит сын открыти и видевый мене видел есть отца, и аз и отец едино есве. И богопроповедницы 96 богословцем врьх глаголет: в начале бе слово и слово бе к 97 богу и бог бе слово, и оно же не восхыщением непщева равен быти богу, но себе излиа зрак раба прием. И множайшими же богодухновенными писаньми троицу единосущну правословно проповедаша ясно. Блаженный же Ипатие силен убо словесы в богодухновенных писаниих и елма же и в чюдесных творениих святитель велик божий апостольскыми даровании светяся. Понеже прослави бога Ипатие делы благими и деяньми богоугодными и гласом грътани прослави зело в троицы единаго бога устнами же и языком възвести правду божию всем, еже крайнаа ради милости к нам сшествие единороднаго сына блжия и преславно нам спасение съделавша вочеловечением своим и крестом и воскресением. Таако же и труды своими священный Ипатие прослави бога. В молитвах непрестанных к богу пождавая и в бдениих всенощных претерьпевая пост с воздерьжанием желанно стяжа, слезныа источники проливая очисти сердце свое и ум на высоту божия любве вознесе, нищая приобрете, вдовыя и сироты не имущих снабдителен взыскав ущедри и снабде, алчныя напита и странным прииматель бывая, и нагух не презрев велми убо подвизаясь на высоту взыде добродетелей, тако бо о нем предасть преподобный Иосиф, иже о нем известно ведяше. И понеже прослави бога в телеси своем Ипатие и в дусе своем много и бог Ипатия прослави: Славящая мя, рече господь, прославлю. Тем же и дары божественныа подаст бог Ипатию, источити пучину священнообразных чюдес и исцелением потокы излияти. Болным бо мнозем Ипатие здравие подаст молитвами своими, иже молящимся ему 98 болящим 99 недуги от них отгна и бесныя приводимыа к нему очищая прогоня лукавыя духы. Сий апостольский муж невкоей веси ходя потребе принудивши людистей 100 и тамо воды текущия из горы гръки суща, и сладкых вод в веси не имуща молим убо тамошьними жители Ипатие и жалящим 101 гръкых ради неплодных вод. Ипатие же, яко же и Моисей, преложи на сладость назнаменав текущия воды токмо знамением 102 креста и по Елесею пророку блаженный Ипатие горькия воды целбоносны сотвори. И понеже приближися богови священный Ипатие молитвами священными и 103 ума чистотою приемница бысть божественнаго просвещения от приближающагося божества приближающимся к божеству осветився пресветлоумными лучами. Тем же и в нощи темней шествующу преподобному сему святителю потреба бе осветити пути близ воды идущу, да не поползшися нога водам ходящаго подаст и пореянием утопити впадшаго в воды. Не имущу же блаженному Ипатию светила умныма очима взимашеся к присносущному свету, иже любя всегда осияватися не заходимым светом тем же абие и свеща многи горящаа от воды възсияша ему многу светлость подающа праведному, внегда по пути ему шествовати. Иногда же такоже творениа ради богоугодных дел ходящу нощию Ипатию и господню заповедь делающу глаголющую: да не увесть шуйца твоя, еже творит десница твоя, обходя посещаше вдовы, и сирыя, и нищаа, и бедныа во еже спомогати им. Постигает же Ипатия и паки владычний глас глаголющий: Не может град укрытися врьху горы стоя и светило на свещнице да светит всем. И тако да 104 просветится свет ваш пред человеки, яко да видят ваша добраа дела и прославят отца вашего небеснаго 105 . Сего ради обиявиша Ипатия явльшися и паки от воды свеща горящая озаряюща Ипатия, внегда ему учрежающу убогиа нощию. Бысть же некогда и в некоей веси своей чудный сей Ипатие под студеным воздухом и влажным сущем месту тому. И жителем веси тоа от недуг воздушныя студени страждущим изнемогати, и к утишению недугов бань не имущим им 106 . Видев сиа, иже всем сердцем ко источнику добрым Христу вместивыися от него же богатно чюдес зарями сияя, милосердствовав о них зело милостивому Христу последователь Ипатие. И походив на месте стран угодных к банному устроению на них же молитвами натолико себе простре к богу, дóндеже сухиа боки земныя происпусшивша источникы непрестанно текущиа теплых вод попадающа всяким недугом исцеления 107 . Что же ми убо исчитати содеянная чюдодейственым Ипатием? Како же ли и 108 хощу исчитати, иже превосходит ума достижение его благости 109 и язык изрещи не 110 возможет Ипатиевых чюдес безмерную пучину! Едину убо от всех чюдес предложу чюдо святаго, слово съкращу. Призван бысть блаженный сей царем Коньстяньтием, сыном великаго Коньстантина. Змию бо привелику от некуду приползшю и в хранилище царьскаго имения впользшю, идеже все залто и 111 богатьство лежит. Змиеви убо обьемшу хранилище имения и главу свою к восходу приложшу и не дадущу никому же в двери полатныа внитти. И царю Коньстяньтию о сем в велице печали 112 бывшу и многиа священныа мужи о сем молитвовати понуди, да отьженут змия. Последи же и 113 блаженнаго Тпатие приведе, молив убо царь Ипатиа, да молитвою проженет змиа, рече же, да не без соблюдения зверю приближится люту ему сущу, показаша Ипатию змия издалеча. Блаженный же Ипатие пад на земли помолися час доволен. И востав от молитвы, глагола царю: «На месте, идеже есть образ отца твоего, повели посреде подрома 114 велицей скраде 115 огненей быти, рекше огнищу или груда дров, а не сковрада, но скрада 116 . И ту 117 вжегше да ждут тамо, донележе аз дойду». И царю повелевшу тако сотворити. Блаженный же Ипатие врата хранилищу царских имений отверъз и зверя жезлом своим ударяше и не успеваше же ничтоже. И дню преклоняшуся вси же издалеча позорующе бяху и бояхуся от звери умрети святому. Той же очи 118 на небо возведе и господа призвав, жезл свой во уста сверю вложи и рече: «Во имя господа Исуса Христа моего последствуй ми». Змий же зубы своими край железа емся и последоваше святому. Блаженный же извед его от полаты и весь подром 119 прошед даже и до тръга жезл по земли влекий, иже и все позорище видевше змия за край жезла дрьжащася и влекома, ужасахуся вси. Бяше бо змий велик зело и страшен взором. И приближися Ипатие к огненей скраде и рече к змию: «Во имя Христово, его же и 120 аз меньший проповедаю, повелеваю тебе внити посреде огня». Страшный же 121 он змий, нагръбив себе, и 122 ввержеся среди скрады 123 огненыа пред всеми и 124 изгоре. Тогда Коньстантие царь зело благодарив, аки и своего отца блаженнаго Ипатия и многим имением почте его и 125 образ лица его на досце въобразити повеле и сему бывшу в царьстей полате над дверьми возлжити повеле. Мню же убо нечистому сему зверю внити в царьския клети прознаменати нечистаго беснованиа Ариева. Коньстаньтие бо царь от Евсевиа 126 , епископа Никомидийскаго, прельщен бысть поплъзесь в Ариеву ересь 127 , тяжек бысть правоверным. Последи же его тяжъчайши и его Уалент 128 , того же злочестиа Ариева православным досади по многу. Блаженный же 129 Ипатие богатством, обогащенным ему от царя, града своего Гангра 130 нищая удоволи, и яко душу свою и сердце церковь троицы сотвори Ипатие, рече бо господь: Любяй мя возлюбен будет отцем моим и приидеве 131 к нему и обитель у него сотвориве. И во пророце 132 рече, яко вселюся в ня и похожду и буду им бог, и тем 133 священныа церкви Ипатие многи созда на славу Христа богу. Сице Ипатие пожит 134 , плотьския страсти воздерьжанием умертвив прежде, иже нас ради умершаго на кресте Христа, истинный живот стяжа, тем же и вся шествия Ипатиева в дусе святем к себе направляюща, и яко добре воспитався воздерьжанием в преславную высоту взыде священных добродетелей умом простреся к 135 видению тайному доброту Христову созерцати. От него же сияния умом и мыслиюю озарився, бысть весь световиден святитель, достоин быв престолу Гангрьскиа церкви, всем, иже с верою приходящим к нему, возсиявше луча 136 чюдесныа. Святительствова же преподобной праведно, божественными законы ограждаяся слово божие не корчемствова, но истинно съдержа и здраво и цело соврьшение, и учение нескврьно от еллиньскаго и от еретическаго самосмышления соблюде, правая веления апостольская възгласи. И глас бо блаженнаго Ипатия светом смешен бяше понеже осиян божественным светлостьми и тму ересем разори восияв, аки солнце, направи люди к дни 137 православия имея краснейший язык, яко трость явлься скорописца книжника написа премудро звкон, иже в благодати новый погладив, иже на досках Ветхаго закона образы стеневныа 138 прочее в глубокую старость достиже во священных трудех не изнемог, подобает же ему к отцем преити. Ничто же ми возбраняет рещи, яко подобает Ипатию патриарху к патриархом преложитися и истинне проповеднику Ипатию к богопроповедником апостолом и к пророком востещи, и последи их 139 , яко с ними же подвизася и поты многы показа во 140 истиннем словеси исправлении и ко еретиком, кръчемствующим слово божие и к еллином, пагубным волком, хапающим злейшими зубы разногласием и зловерием Христова стада овец, премудрящимся суими 141 помышленьми и тщими словесы 142 разливающимися на воздух препиратися, точию ведящими, и ничтоже пользующими, иже мрътвыа богы приводящим в мир, слепыя и глухия и немыя идолы. Ипатием же исповедаемый един бог в троицы, иже на небеси и на земли вся, елика восхоте, и сотвори, и небо самое, и землю и море, и вся же в них. Елма Ипатиеви востещи подобает к богопроповедником апостолом и к пророком, яко причастник потов и трудов их 143 . Подобает же ему еще 144 и болезнем их причаститися, еже крайнему подвигу совершение крови своея за Христа излияти. Христу бо свою пречистую кровь за ны излиявшу на кресте. И Ипатиеви многых потов его и трудов 145 о благочестии многия веньца щадимы 146 суть в сокровищах безсмертия в недрох 147 небеснаго царствия препетыа троица, и иже 148 сего веньца, еже о мученичестве остает Ипатие, да и с мученикы Христовы водворится. Но тогда убо Христос милостию своею мир глубок святей своей церкви подаде потребив гонителей и мучителей от нея поручив земное царство кроткому Коньстаньтину, яко же и Давыду возлюбленному от него. Ипатиеви же от инуду 149 веньца мученичества изготоваются, не подобает бо ему остаяти мученическиа доброты, иже Христа исповеда и Ипатие, яко же и мученики, и трудись и поты пролия, яко же святии апостоли и пророци, и чюдесы землю озари, да мученически и 150 и сконьчався Ипатие, яко 151 мучеником приложится и яко исповедник со исповедники вчинен 152 будет и яко истинному словеси правый исправитель к богопроповедником пророком и апостолом вселится. Таковое же на трижнение Ипатиеви случается сице. Еретицы Наватова мудръствующеи завистию многою распалишася на блаженнаго Ипатия, и 153 идеже обычай имеяше святый шествовати сквозе теснота и бреговитая места, заседше тамо 154 , стрежаху, и блаженному Ипатию идущу напрасно, яко зверие воставше, нань устремившась и низ 155 с высоты брега того 156 свергоша, многи раны на него возложиша и камение же, яко некогда июдее на прьвомученика Стефана посыпаша. Святый же в реку ввержен бысть еле жив, руце мало простер и очи на небо возвед: Господи, не постави им греха сего, глаголяше, и еще ему моляшуся. Жена некая, Ариеви ереси, камень велий вземши в главу святаго удари 157 . И тако мученический конец 158 восприа Ипатие венец ему каменная метаниа свыше Быша и 159 к небесной высоте степени и лествица, по ней же восьшед, богови присвоися ближайше. Тело же святаго убийцы в плевницу скрывше отидоша. Делатель же, его же беаше плевница, прииде плевы взяти своему скоту, слыша небесных сил славословие над телесем блаженнаго Ипатиа и вестник быв всем о преподобнем. Не укосневши же благодать на Ипатии чюдеса содевающа. Бесом бо горким 160 предашася грько, иже 161 безбожно уморившии Ипатиа. Злокозненая же она жена, убившая святаго, злым духом одерьжима, убийственный камень вземши своя перси непрестанно бияша. Тако же и обещницы таковому убийству нечистыми духы казняхуся вси. Уведавше же жителие Гангрьстии сие, собрашася тамо и много 162 рыдаху, вземше святаго тело его отнесоша во свой град и положиша на место нарочите. Жена же она, последущи по них, биющи себе каменем, им же святаго убила, бяше исповедающися, и по еже полодити святое тело Ипатиево, абие исцеле жена и вси, иже убойству причастившеися и такою мукою истаявша, вси исцелеша. Быша же и ина множайша исцеления в день положения блаженнаго 163 телеси 164 , непрестанно же рака 165 его истекаше исцелениа и благословение же честныя его перьсти приемлющим известно, яко прах истневает всякия страсти. Приидете удов си любящеи Ипатиа, и о мне ставше, венценосца со мною хвалите божественаго страстотерьпца, пастыря добраго. Церковно 166 утверждение, ереси омрачившаго, безаконных соборища божественою силою потребившаго и чюдесными зарями вся просвещающаго, столпа божественаго 167 к высоте небесней взимаемаго, правоверию стену незыблему, святителем степень, мучеником красную лепоту. И сия убо тебе от нас, о божественая и священнаа главо, аще и скудна и твоея доброты много остающа 168 , но нашеа силы не меньши, обаче и богови, еже по силе неотметно. Ты же нас свыше назирай и жизнь нашу на лучшее изводи, и мучительство укроти, и немощнующим силу, и возвышение християньскому рогу 169 , и церькви мир и согласие даруй о самом Христе, истиннем бозе нашем. Ему же слава и дрьжава, честь и покланяние со безначалным его отцем и с пресвятым благим и животворящим его 170 духом ныне и присно и во веки веком. Аминь. (ГИМ, собр. Уварова, № 349, в 4°, лл. 1–25) Слово о святем Ипатии, епископе ганьгранстем чюдотворце. Месяца ноемврия в 14 день. Иже во святых отца нашего священномученика Ипатия, епископа гангрьскаго чудотворца. Слово похвальное творение Зиновия инока, ученика бывша Максима Грека . Написано на полях киноварью Слово 9. нам освятитися У. обильских E. Выносное т написано, а потом счищено. От ЕУ. и тленен Е. Доб. и У. увядающих цветов У. Нет Е. совершенно У. разгнав Е. Нет Е. Доб. и У. Доб. и вода Е. Нет ЕУ. приидуща ЕУ. На полях сходным почерком написано исгнав. Доб. бо ЕУ. ратоваше ЕУ. Нет Е. создание Е. созиждет ЕУ. Доб. И Е. Нет У. имут швецы У. Доб. ими У. Доб. иглы такоже имеют да сшивают царския багряница ЕУ. Ипакие Е. безначальна Е. ипостасях У. Доб. и ЕУ. него У. Далее не зачеркнуто киноварью. Доб. или лета У. времена ЕУ. времен ЕУ. Нет Е. и Е. Доб. со У. Доб. и Е. сего святаго Е. богоносных Е. его многих Е. ; многих чюдес его У. Доб. первом Е. Нет Е. во Е. Доб. бо У. же Ариево ЕУ. Нет ЕУ. уславящим Е. ипостасях У. словеса Е. надмяся Е. ; надымся У. своим Е. Нет Е. Доб. и У. чюдотворный Е. Нет Е. нас научиша ЕУ. ипостасная У. Нет У. Доб. и Е. тако Е. Доб. и У. всегда Е. Доб. яко Е. Нет Е. творения Е. бытия У. сотворит сына своего Е. не Е. сего Е. иже Е. сего У. Доб. и Е. спасения ЕУ. во пророцех У. ипостаси У. сотворив очищение У. вне У. Нет Е. очистити ЕУ. Нет Е. Нет ЕУ. спасителя Е. сын паче Моисея ЕУ. Доб. дому ЕУ. богу Е. Нет У. Нет Е. воставит вам У. Нет У. Нет У. Колико Е. вся Быша Е. богопроповедники У. Нет Е. Доб. с верою У. Доб. и Е. людие те Е. иже болящыя У. Доб. спасителева ЕУ. Нет У. Нет ЕУ. иже на небесех ЕУ. Нет Е. Доб. киноварью Чудо святаго о змии ЕУ. Нет ЕУ. глаголати Е. ; благодати У. никакоже У. Нет Е. печали велице ЕУ. Нет Е. иподрома У. сквраде Е. Нет Е. то У. Доб. свои Е. иподром У. Нет У. Нет У. Нет У. скврады Е. Нет ЕУ. Нет Е. Евоивия Е. ересь Ариеву ЕУ. Уаленту Е. Нет Е. Доб. на Е. приидем Е. пророком Е. ; пророцех У. Тем и У. пожи Е. и Е. лучи У. дню У. итеневная Е. последних Е. по Е. шуими Е. ; суетными У. Доб. различными Е. своих Е. Нет Е. Нет Е. щадимые венцы У. надрох Е. ниже У. онуду У. Нет ЕУ. Доб. же ЕУ. в чине Е. Нет Е. Доб. с мечи и палицами У. иныя Е. Нет Е. Доб. злокозненная и окоянная, святаго же сего душа к богу взыде У. венец Е. Нет Е. богомерским Е. и У. Доб. вси У. Нет Е. Доб. отца Ипатия У. река Е. церковное ЕУ. Доб. и У. оставившая Е. роду Е. Нет Е.