Кондак
Кондак , глас 8 Непреста́нныя моли́твы до́брый ревни́телю,/ святы́я пу́стыни му́дрый устрои́телю,/ богомы́слия и ста́рчества в ней насади́телю,/ доброде́тельми мно́гими, я́ко ри́зою укра́шенный,/ по́стническое житие́ яви́вый, преподо́бне о́тче Ге́рмане,/ приими́ нас, чту́щих любо́вию честну́ю па́мять твою́,/ да отве́ргнем льсти́вую пре́лесть ми́ра сего́// те́плым предста́тельством твои́м у Престо́ла Вседержи́теля. Ин кондак , глас 6 В преподо́бстве и пра́вде му́жественне пожи́в,/ пустынножи́телю, о́тче Ге́рмане,/ мно́гим путь ко спасе́нию,/ я́ко звезда́ пресве́тлая, озари́л еси́/ и, всем быв для всех,// Бо́гу и лю́дем усе́рдно послужи́л еси́.
Развернуть
Богослужебные тексты
Богослужение сегодня