Преподобный Исаа ́ кий I (Антимонов), Оптинский

Житие

Преподобный Исаакий (в миру Иван Иванович Антимонов) родился в Курске 31 мая 1810 года в патриархальной купеческой семье, пользовавшейся неизменным уважением горожан за безупречную честность и строгий христианский уклад жизни, милосердие к бедным и благоукрашение городского храма. Будущий великий оптинский старец рос в обстановке любви, послушания родителям, в твердом соблюдении церковного устава и нравственной строгости. Мальчик был скромен и добр, молчалив и сдержан, но не угрюм, он не был чужд шутке, остроумен и прост в общении. Мысль об уходе в монастырь долгие годы вызревала в душе благочестивого юноши, вынужденного помогать отцу в торговых делах. К тридцати шести годам она окончательно окрепла. Этому способствовало также поступление в монашество его старшего брата Михаила. И вот в 1847 году, уже зрелым человеком, приняв твердое решение, он покидает отчий дом и поступает послушником в скит знаменитой уже тогда своими старцами Введенской Оптиной пустыни, в укладе которой было принято духовное окормление каждого брата у старца. И послушник Иоанн был вверен оптинскому старцу преподобному Макарию , имя которого было известно далеко за пределами обители. Под его духовным руководством прошли годы послушания: сначала на пасеке, затем в хлебопекарне и поваром в монастырской трапезной, пел на клиросе, келейно – по благословению старца Макария; брат Иоанн был еще и переплетчиком книг. Неукоснительно выполнял он положенное всякому послушнику келейное правило, причем впоследствии, по принятии рясофора в 1851 году и пострижении в мантию в 1854 году, все более и более ревностно относился к совершенствованию своего внутреннего духовного мира, не давая себе поблажек ни в чем: был строг в понуждении себя к умному деланию, посещению монастырских богослужений и ограничивал себя в еде и отдыхе. Избегая честолюбивых мыслей и остерегаясь поэтому всякого возвышения, исключительно за послушание своему духовному отцу, старцу Макарию, он принял в 1855 году рукоположение в иеродиакона, а затем, в 1858 году, – в иеромонаха. И по принятии сана преподобный Исаакий остается таким же скромным, искренним и открытым в отношении с братиями, каким был прежде, но еще строже и требовательнее к себе, во всем полагаясь на духовные наставления старца. Возможно, так, в исполнении послушаний, монашеских правил, соблюдении церковного устава, в духовном совершенствовании и постепенном восхождении «от силы в силу», и прошла бы вся его жизнь в монастыре. Но Богу было угодно другое. В 1860 году, уже тяжело больной, преподобный старец Макарий, предчувствуя близкий конец, завещает своему духовному сыну, преподобному Исаакию, перейти под руководство великого оптинского старца Амвросия , ученика блаженного старца Макария. А еще через два года, в 1862 году, после смерти настоятеля Оптиной пустыни старца Моисея, преподобный Исаакий становится его преемником. В течение тридцати с лишним лет ведет он монастырь, продолжая начатое еще преподобным Моисеем строительство, по тем временам немалое. Его же стараниями достраивается храм Всех Святых на новом кладбище, сооружается новый иконостас в Казанском соборе и перестраивается старый во Введенском, производится новая роспись стен, строится монастырская больница с аптекой для бесплатного пользования, с церковью при ней во имя святого Илариона Великого, книжная лавка, двухэтажное здание рухлядной, достраивается водопровод, воздвигается здание новой гостиницы и множество помещений реставрируется, переделывается, поновляется и строится вновь. Под его мудрым управлением Оптина приобретает лесные участки – так решается проблема топлива. Им же осуществляется покупка луговых земель на болховской мельнице, открывается свечной завод, поощряется разведение монастырских садов и огородов. Таким образом Оптина пустынь во второй половине XIX века становится одним из процветающих монастырей России. Но не только хозяйственными заботами ограничивалась деятельность настоятеля. Главным для него было отечески строгое попечение об исполнении братией монашеских послушаний и устава, при этом не делалось исключения и для себя. Уже будучи игуменом, а позже, в 1885 году, архимандритом, преподобный не совершал без благословения старца никаких монастырских дел и учил этому братию. «Отцы и братия! Нужно ходить к старцу для очищения совести», – часто повторял он. Так, благоговейно, почти до умаления себя, стоял он со всеми в очереди к своему духовнику, преподобному старцу Амвросию, и беседовал с ним, стоя на коленях, как простой послушник. В последние годы жизни настоятеля многие скорби выпали на его долю. Особенно тяжело пережил он отъезд старца Амвросия в Шамординскую общину. «Двадцать девять лет провел я настоятелем при старце и скорбей не видел, теперь же, должно быть, угодно Господу посетить меня, грешного, скорбями», – говорил он. Здоровье его стало заметно слабеть, и он келейно принял пострижение в схиму. Вскоре отошел ко Господу великий старец преподобный Амвросий, и на настоятеля, преподобного Исаакия, последовали тайные доносы о неспособности его, по преклонным годам и болезни, управлять обителью. И хотя братия единодушно встала на защиту своего настоятеля, силы его уже угасали. Умирал он тихо, окруженный плачущими чадами своими, которым дал последнее наставление: «Любите Бога и ближних, любите Церковь Божию, в службе церковной, в молитве ищите благ не земных, а небесных; здесь, в этой святой обители, где вы положили начало иноческой жизни, и оканчивайте дни свои». Преподобный отец наш Исаакий почил о Господе 22 августа/4 сентября 1894 года. Это был истинный последователь той традиции старчества, которая отличала уклад Оптиной пустыни от других монастырей России, строгого послушания всей братии старцам-духовникам, независимо от сана и иерархического звания. Вся его жизнь стала достойным продолжением духовного подвига, начатого еще его предшественником, преподобным Моисеем, и другими великими оптинскими старцами.

Тропарь

По́стническими укра́шен добро́тами,/ ко́рмчий изря́ден мона́шествующим был еси́,/ чистото́ю и простото́ю Ду́ха благода́ть стяжа́в,/ О́птинскаго ста́рчества яви́лся еси́ украше́ние./ Сего́ ра́ди зове́м тебе́, Исаа́кие:/ сла́ва просвети́вшему тя Христу́,/ сла́ва укре́пльшему тя,// сла́ва подаю́щему тобо́ю нам исцеле́ния. Перевод: Воздержания украшен совершенствами, кормчим превосходным для монашествующих был, чистотой и искренностью дар Духа получив, Оптинского старчества стал украшением. Поэтому взываем к тебе, Исаакий: слава просветившему тебя Христу, слава укрепившему тебя, слава подающему через тебя нам исцеления.

Кондак

Тропарь , глас 1 По́стническими укра́шен добро́тами,/ ко́рмчий изря́ден мона́шествующим был еси́,/ чистото́ю и простото́ю Ду́ха благода́ть стяжа́в,/ О́птинскаго ста́рчества яви́лся еси́ украше́ние./ Сего́ ра́ди зове́м тебе́, Исаа́кие:/ сла́ва просвети́вшему тя Христу́,/ сла́ва укре́пльшему тя,// сла́ва подаю́щему тобо́ю нам исцеле́ния. Перевод: Воздержания украшен совершенствами, кормчим превосходным для монашествующих был, чистотой и искренностью дар Духа получив, Оптинского старчества стал украшением. Поэтому взываем к тебе, Исаакий: слава просветившему тебя Христу, слава укрепившему тебя, слава подающему через тебя нам исцеления. Кондак , глас 3 А́нгельскому чи́ну подража́я,/ плоть твою́ ду́хови покори́л еси́,/ смире́нным же се́рдцем любо́вь Христо́ву стяжа́в,/ изря́дный наста́вник па́стве твое́й яви́лся еси́,/ Исаа́кие о́тче богому́дре,/ Христа́ Бо́га моли́/ благоче́стие Оте́честву на́шему дарова́ти// и спасе́ние душа́м на́шим. Перевод: Ангельскому чину подражая, плоть твою духу покорил, смиренным же сердцем любовь Христову получив, превосходным наставником пастве твоей стал, Исаакий отец богомудрый, Христа Бога моли благочестие Отечеству нашему даровать и спасение душам нашим. Развернуть

Богослужебные тексты

Служба преподобному Исаакию Оптинскому Текст утвержден Священным Синодом Русской Православной Церкви 17 июля 2020 года (журнал № 34) Ме́сяца а́вгуста в 22-й день Преподо́бнаго Исаа́кия О́птинскаго На вече́рни На Г о́споди, воззвáх: стихи́ры пра́здника. И преподо́бнаго стихи́ры, глaс 8: Прииди́те, вси ве́рнии,/ дре́внюю добро́ту мона́шества у́зрим,/ ю́же пропису́ет па́мять богоно́снаго отца́ на́шего Исаа́кия,/ той бо, при исто́чнице уче́ния ста́рческаго насажде́н быв,/ в пусты́нных удо́лиих я́ко фи́никс процвете́/ и, возрасти́в сла́дкия плоды́ воздержа́ния,/ благоуха́нный арома́т доброде́тели источи́./ Ны́не же, ра́йския добро́ты наслажда́яся,/ мо́лит Христа́ Бо́га// поми́ловатися душа́м на́шим. Преподо́бне о́тче Исаа́кие,/ ум горе́ вознося́,/ на земли́ послуша́нию до́бре прилежа́л еси́,/ хле́бы же иску́сно свои́ма рука́ма испека́я,/ богодухнове́нными глаго́лы, я́ко хле́бом духо́вным,/ ча́да твоя́ оби́льно напита́л еси́/ и, сладкогла́сно в хра́ме слу́жбу Бо́жию со тща́нием соверша́я,/ на высоту́ созерца́ния возше́л еси́./ Ны́не же, со А́нгельскими чи́ны ликовству́я,/ моли́ Христа́ Бо́га,// дарова́ти душа́м на́шим ве́лию ми́лость. Преподо́бне о́тче Исаа́кие,/ ве́рный учениче́ Христо́в,/ иску́сный устрои́телю вертогра́да О́птинскаго,/ до́брый де́лателю любому́дрия мона́шескаго,/ ча́да Бо́жия святооте́ческими уче́нии напита́вый,/ ны́не не преста́й моли́тися Го́сподеви/ дарова́ти душа́м на́шим умиле́ние// и оби́тели твое́й благоустрое́ние. Сла́ва, глaс 1: Небе́сным чино́м подража́я,/ с ли́ки преподо́бных сочета́лся еси́, о́тче Исаа́кие,/ у́мную моли́тву в се́рдце утверди́в,/ о́браз ученико́м твои́м был еси́,/ простото́ю и смиренному́дрием настоя́тельство украси́в,/ му́дре бра́тию в Ца́рствие Бо́жие упра́вил еси́./ Те́мже любо́вию чту́щим святу́ю па́мять твою́,/ испроси́ у Христа́ Бо́га/ оби́тели О́птинстей Небе́сный покро́в и заступле́ние// и душа́м на́шим ве́лию ми́лость. И ны́не, пра́здника, глас то́йже: П одоба́ше самови́дцем: Вход. Проки́мен дне. И чте́ния преподо́бническая 3: На лити́и стихи́ра хра́ма. Сла́ва, преподо́бнаго, глас 5: Воспо́йте, лю́дие, воспо́йте,/ Исаа́кия ста́рца на́шего,/ днесь бо пресве́тлую ду́шу свою́/ в пречи́стеи ру́це Бо́га предае́т,/ Его́же мо́лит непреста́нно// дарова́ти оби́тели мир и ве́лию ми́лость. И ны́не, пра́здника. На стихо́вне стихи́ры, глас 2. Подо́бен: Д о́ме Евфра́фов: Сладкогла́сно слу́жбу Бо́жию соверша́я/ и в молча́нии моли́тве непреста́нней поуча́яся,/ дом Ду́ха Свята́го себе́ соде́лал еси́,/ преподо́бне о́тче Исаа́кие,// моли́твенниче о душа́х на́ших. Стих: Ч естна́ пред Го́сподем// смерть преподо́бных Его́. Нача́ло и́ноческому исправле́нию/ во благообра́зии вне́шнем полага́я,/ де́ланию вну́треннему бра́тию науча́л еси́,/ преподо́бне о́тче Исаа́кие,// да не яви́мся мона́си то́кмо одея́нием. Стих: Ч то возда́м Го́сподеви о всех,// я́же воздаде́ ми? Простото́ю и му́дростию/ от Бо́га укра́шен быв,/ умо́м Того́ лицезре́л еси́,/ Исаа́кие, ста́рче преди́вный,// преподо́бных отце́в сожи́телю. Сла́ва, глас 4: Я́ко дре́вний патриа́рх,/ от ю́ности пра́ведное житие́ проводя́,/ бога́тство духо́вное стяжа́л еси́/ и, я́ко до́брый па́стырь,/ на па́жити святооте́честей/ о́вцы твоя́ воспита́л еси́,/ от кла́дязя воды́ живы́я тех напая́я/ и мы́сленныя во́лки жезло́м моли́твенным отгоня́я,/ те́мже вси зове́м:/ о́тче наш Исаа́кие,// сохрани́ и ны́не ста́до твое́ невреди́мо. И ны́не, пра́здника. Тропа́рь, глас 1: По́стническими укра́шен добро́тами,/ ко́рмчий изря́ден мона́шествующим был еси́,/ чистото́ю и простото́ю Ду́ха благода́ть стяжа́в,/ О́птинскаго ста́рчества яви́лся еси́ украше́ние./ Сего́ ра́ди зове́м тебе́, Исаа́кие:/ сла́ва просвети́вшему тя Христу́,/ сла́ва укре́пльшему тя,// сла́ва подаю́щему тобо́ю нам исцеле́ния. На у́трени По 1-м стихосло́вии седа́лен, глас 1: По́стническому ли́ку сочета́вся, преподо́бне Исаа́кие, о земны́х и тле́нных наслажде́ниих небре́гл еси́, труды́ же воздержа́ния и сле́зы покая́ния Христу́ принесы́й, врага́ ро́да челове́ческаго посрами́л еси́. Те́мже па́мять твою́ све́тло пра́зднующих от вся́ких бед сохрани́ моли́твами твои́ми. Сла́ва, и ны́не, пра́здника. По 2-м стихосло́вии седа́лен, глас 1: От собла́знов жите́йских, и́ноков смуща́ющих, и страсте́й треволне́ния изба́ви ста́до твое́, Исаа́кие богому́дре, путе́м бо те́сным в ра́йскую широту́ дости́гл еси́ и отту́ду подае́ши по́мощь тя почита́ющим. Сла́ва, и ны́не, пра́здника. По полиеле́и седа́лен, глас 8: Стра́сти плотски́я мече́м воздержа́ния посе́кл еси́ и смире́нными коленопреклоне́ньми главу́ зми́еву сокруши́л еси́, преподо́бне о́тче Исаа́кие. Сего́ ра́ди со дерзнове́нием вопие́м ти: моли́ Христа́ Бо́га просвеще́ния нам дости́гнути, любо́вию чту́щим святу́ю па́мять твою́. Сла́ва, и ны́не, пра́здника. Степе́нна, 1-й антифо́н 4-го гла́са. Проки́мен, глас 4: Ч естна́ пред Го́сподем// смерть преподо́бных Его́. Стих: Ч то возда́м Го́сподеви о всех, я́же воздаде́ ми? В ся́кое дыха́ние: Ева́нгелие от Матфе́я, зача́ло 43. По 50-м псалме́ стихи́ра, глас 6: Нра́вом ти́хий,/ кро́ткий и смире́нный се́рдцем,/ преподо́бне о́тче Исаа́кие,/ ты, от Го́спода дар сове́та и прему́дрости восприи́м,/ до́бре и́ноком оби́тели Пречи́стыя Богоро́дицы послужи́л еси́,/ днесь же, Тоя́ Успе́нию пра́зднуему,/ блаже́нный поко́й души́ твоея́ обре́л еси́// и успе́ние со святы́ми. Кано́н преподо́бнаго, его́же краегране́сие: П еснохва́лится про́сто Исаа́кия красота́. Глас 8. Песнь 1 Ирмо́с: В о́ду проше́д я́ко су́шу,/ и еги́петскаго зла избежа́в,/ изра́ильтянин вопия́ше:// Изба́вителю и Бо́гу на́шему пои́м. Пе́сненный вене́ц тебе́ тщу́ся соплести́, усе́рдствуй же, о́тче, моли́твою твое́ю и пода́ждь благоле́пно воспе́ти твоея́ простоты́ вели́кую красоту́. Ева́нгельским нра́вом изде́тска обогати́вся, от суеты́ мирски́я уклони́лся еси́ и, я́ко му́дрый купе́ц, пучи́ну премину́в собла́знов, в приста́нищи и́ночестем до́брый би́сер обре́л еси́. Смиренному́дрием украси́в главу́ твою́ и послуша́нием прилежа́в вели́ким ста́рцем, духо́вному худо́жеству научи́лся еси́, те́мже и мно́гим лю́дем до́брый наста́вник яви́лся еси́. Богоро́дичен: Н о́сиши на рука́х Твои́х, Де́во Всепе́тая, Христа́, Со́лнце Пра́вды, И́же зе́млю просвети́ богозна́ния луча́ми и к Све́ту Невече́рнему наста́ви нас. Песнь 3 Ирмо́с: Н ебе́снаго кру́га Верхотво́рче Го́споди,/ и Це́ркве Зижди́телю,/ Ты мене́ утверди́ в любви́ Твое́й,/ жела́ний кра́ю, ве́рных утвержде́ние,// еди́не Человеколю́бче. О́тче преподо́бне, ста́рчества О́птинскаго досто́йный прее́мниче! Ты, во главу́ оби́тели поста́влен быв и игу́менский крест, я́ко корми́ло духо́вное, восприи́м, мно́гия и́ноки в Ца́рствие Христо́во му́дро упра́вил еси́. Христа́ изде́тска возлюби́в, ве́ру апо́стольскую и любо́вь оте́ческую стяжа́в, а́нгельски на земли́ пожи́л еси́, свя́те Исаа́кие, ны́не же с ли́ки преподо́бных Бо́га прославля́еши. Ве́рен быв заве́том ста́рцев О́птинских и оби́тель твою́ благоче́стием украси́в, ду́ши, вве́ренныя тебе́, Исаа́кие преподо́бне, испове́данием по́мыслов и слеза́ми покая́ния очища́ти науча́л еси́. Богоро́дичен: А да́мова ме́ртвость Тобо́ю оживотвори́ся, Богоневе́стная, зачала́ бо еси́ без се́мене Христа́, всех Воскресе́ние, те́мже истле́вшии во гробе́х улуча́ют безсме́ртия наде́жду Твои́ми, Де́во, моли́твами. Конда́к и и́кос пра́здника. Седа́лен, глас 8: Я́ко житие́ твое́ све́тло бысть, преподо́бне, поще́ния ра́ди, та́ко яви́ся пресве́тло и успе́ние твое́, Христа́ бо просла́вил еси́ я́ве де́лы твои́ми, сия́я мно́гая ле́та му́дростию ста́рческою, о́вцы же Христо́вы во благоче́стии упа́сл еси́, мы́сленныя та́ти дале́че прогна́в, богому́дре. Те́мже моли́ся Христу́, преподо́бне Исаа́кие, грехо́в оставле́ние дарова́ти чту́щим любо́вию па́мять твою́. Сла́ва, и ны́не, пра́здника. Песнь 4 Ирмо́с: Т ы моя́ кре́пость, Го́споди,/ Ты моя́ и си́ла,/ Ты мой Бог, Ты мое́ ра́дование,/ не оста́вль не́дра О́тча,/ и на́шу нищету́ посети́в./ Тем с проро́ком Авваку́мом зову́ Ти:// си́ле Твое́й сла́ва, Человеколю́бче. Любо́вию безмо́лвия взыску́я и послуша́нию прилежа́, Исаа́кие богоблаже́нне, я́ко ве́рный учени́к Христо́в, в себе́ запечатле́л еси́ нрав ева́нгельский, те́мже и наста́вник яви́лся еси́ прему́дрый. Истонча́я ве́лиим посто́м плоть твою́, стра́сти душетле́нныя усмири́л еси́ и ду́шу твою́ слеза́ми покая́ния омы́л еси́. Моли́ о нас, преподо́бне, да скве́рны грехо́вныя очи́стимся. Терпе́нием вооружи́вся, богому́дре, воздержа́нием стре́лы вра́жия отрази́л еси́ и, моли́твою ум окрыли́в, ловле́ния вра́жия избе́гл еси́. Помози́ и нам, преподо́бне, се́тей лука́ваго избе́гнути. Богоро́дичен: С отвори́ Тебе́, Де́во, вели́чие Си́льный и свя́то и́мя Его́, И́же в ложесна́ Твоя́ вшед, Плотоно́сец на земли́ яви́ся и ми́ра Засту́пницу Тя показа́. Песнь 5 Ирмо́с: О т но́щи неве́дения/ по душелови́тельному пути́ при́сно блудя́щаго,/ Све́том ра́зума Твоего́, Го́споди, преднаставля́я мя,// на стезю́ за́поведей Твои́х напра́ви. Я́ко све́тлая свеща́, преподо́бне Исаа́кие, от любве́ ста́рцев О́птинских возже́глся еси́ и све́том богоразу́мия ду́ши приходя́щих к тебе́ просвети́л еси́. Простото́ю нра́ва и чи́стым се́рдцем украси́вся, житие́м добронра́вным просия́л еси́, блаже́нне, и мно́гия лю́ди ко Христу́ приве́л еси́. Научи́ и нас путе́м за́поведей Госпо́дних пра́во ходи́ти. Ре́вность по благоче́стии име́я и игу́менскою вла́стию облече́н, любому́дрие мона́шеское с прилежа́нием насажда́л еси́, о́тче, и кро́ткими обличе́ньми и́ноки вразумля́л еси́. Богоро́дичен: О т Твои́х ложе́сн, Де́во Пречи́стая, Богоро́дице, Со́лнце Пра́вды возсия́, и нощь лука́вых страсте́й отбеже́, у́тро же благоче́стия просия́. Песнь 6 Ирмо́с: М оли́тву пролию́ ко Го́споду,/ и Тому́ возвещу́ печа́ли моя́,/ я́ко зол душа́ моя́ испо́лнися,/ и живо́т мой а́ду прибли́жися,/ и молю́ся я́ко Ио́на:// от тли, Бо́же, возведи́ мя. Свы́ше власть прии́м вяза́ти и реши́ти, о́тче Исаа́кие, соу́зом любве́ бра́тство твое́ связа́л еси́ и, к лу́чшему простира́яся соверше́нству, моли́тву те́плую ко Го́споду возноси́л еси́. Твоя́ простота́, о́тче Исаа́кие, обличи́ хитреце́в неве́жество, чистота́ же души́ привлече́ А́нгел мно́жество, ум бо Христо́в стяжа́л еси́, мирско́е худо́жество я́ко сор вменя́я. Оби́тели Ша́мординския благопопечи́тель изря́ден и О́птинскаго ста́рца Амвро́сия сотаи́нник богому́дрый быв, моли́твенник усе́рдный о па́стве твое́й яви́лся еси́, Исаа́кие. Богоро́дичен: И спо́лнен храм Твой, Богоро́дице, песнопе́ний духо́вных, я́ко ны́не па́мять преподо́бнаго приспе́, и́же мощьми́ зде упоко́ися и ду́хом неотсту́пно пребыва́ет. Те́мже ра́дуйся, зове́м Ти, Де́во Чи́стая, преподо́бных похвало́. Конда́к, глас 3: А́нгельскому чи́ну подража́я,/ плоть твою́ ду́хови покори́л еси́,/ смире́нным же се́рдцем любо́вь Христо́ву стяжа́в,/ изря́дный наста́вник па́стве твое́й яви́лся еси́,/ Исаа́кие о́тче богому́дре,/ Христа́ Бо́га моли́/ благоче́стие Оте́честву на́шему дарова́ти// и спасе́ние душа́м на́шим. И́кос: Све́тлых по́двигов твои́х заря́ осиява́ет ны́не храм сей, богому́дре Исаа́кие, я́ко мощьми́ честны́ми зде почи́л еси́, благоче́стия о́браз нам показу́я, и, я́ко неугаси́мую лампа́ду, вжегл еси́ моли́тву твою́ непреста́нную, оте́ческою любо́вию вся ча́да твоя́ согрева́я. Те́мже ко предста́тельству твоему́ притека́ющим утвержде́ние во благоче́стии испроси́ и спасе́ние душа́м на́шим. Песнь 7 Ирмо́с: О т Иуде́и доше́дше, о́троцы,/ в Вавило́не иногда́,/ ве́рою Тро́ическою пла́мень пе́щный попра́ша пою́ще:// отце́в Боже, благослове́н еси́. Све́тел по́мысл име́я и разсуди́телен, богому́дро па́ству твою́ упа́сл еси́, Исаа́кие о́тче наш, и от кла́дязя живо́творных оте́ческих писа́ний о́вцы твоя́ напоя́л еси́. А́ще и мно́гими почестьми́ окруже́н и са́ном игу́менским укра́шен был еси́, о́тче Исаа́кие, оба́че, тяготу́ и́ноческаго жития́ люботру́дно подъе́м, о́браз смире́ния и братолю́бия и́ноком показа́л еси́. А́нгельски на земли́ пожи́в, лице́ Христо́во лице́м твои́м зре́ти сподо́бился еси́, блаже́нне, и, ли́ку преподо́бных сочета́вся, вку́пе с ни́ми прославля́еши Триипоста́сное Божество́. Богоро́дичен: К о Твое́й непобеди́мей по́мощи прибега́ем, Богоро́дице, изба́ви оби́тель Твою́ от ересе́й и нестрое́ний, да благоче́стно сла́вится в ней Пречестно́е и́мя Бо́га отце́в на́ших. Песнь 8 Ирмо́с: Б лагослови́те, о́троцы,/ Тро́ицы равночи́сленнии,/ Соде́теля Отца́ Бо́га,/ по́йте снизше́дшее Сло́во/ и огнь в ро́су претво́ршее/ и превозноси́те всем жизнь подава́ющаго// Ду́ха Всесвята́го во ве́ки. Исцеле́ния ны́не источа́ет свяще́нная ра́ка моще́й твои́х, о́тче Исаа́кие, и притека́ющии к ней с ве́рою здра́вие улуча́ют душа́м и телесе́м си́лою на тебе́ почи́вшаго Ду́ха Всесвята́го. Я́ко домоправи́тель иску́сен, подо́бник Моисе́евых дел яви́лся еси́, преподо́бне, ста́рчества О́птинскаго утверди́телю и в нощи́ безпу́тия блужда́ющим ве́рный указа́телю. Кро́тостию украси́вся, богоблаже́нне Исаа́кие, бра́тию оте́чески возлюби́л еси́ и, изря́дное показа́в милосе́рдие, мно́гое утеше́ние скорбя́щим пода́л еси́. Богоро́дичен: Р а́дуйся, све́тлая Сло́ва пала́то, ра́дуйся, ча́ше Животворя́щия воды́, по вся дни напая́ющая ве́рных, ра́дуйся, Богома́ти, Предста́тельнице пою́щих Тя. Песнь 9 Ирмо́с: В ои́стинну Богоро́дицу/ Тя испове́дуем,/ спасе́ннии Тобо́ю, Де́во Чи́стая,// со безпло́тными ли́ки Тя велича́юще. А́нгельскими чи́нми ны́не окруже́н, в го́рняя взя́лся еси́ с преподо́бными ста́рцы О́птинскими, о́тче Исаа́кие, я́ко ми́ра красоту́ презре́л еси́ и по́двиги по́стническими украси́лся еси́. Светоза́рен яви́ся днесь день преставле́ния твоего́, о́тче досточу́дне, во́ньже подае́ши изря́дную по́мощь и предста́тельствуеши пред Бо́гом о ве́рою и любо́вию чту́щих тя. О́птинскаго вертогра́да дре́во многопло́дное яви́лся еси́, о́тче, те́мже и ны́не, духо́вными плоды́ ве́рных насыща́я, исцеле́ния оби́льная источа́еши с те́плою моли́твою притека́ющим к ра́це моще́й твои́х. Тро́ичен: Т ро́ицы изря́днии уго́дницы яви́шася преподо́бнии ста́рцы О́птинстии, Отца́ бо вои́стину почто́ша, Сы́ну изря́дно порабо́таша и Ду́ха Свята́го стяжа́ша, я́ко сосу́ди богоприя́тнии. Богоро́дичен: А́ нгелов Творе́ц, Сын и Бог Твой, лю́ди спасе́, во гресе́х зле погиба́ющих, те́мже Тя, Де́во Чистая, с безпло́тными ли́ки велича́ем. Свети́лен: Я́ко со́лнце, вели́чием по́двигов твои́х возсия́л еси́, о́тче преподо́бне, и, све́том доброде́телей озари́в преде́лы земли́ Ру́сския, преше́л еси́ к Све́ту Невече́рнему, те́мже вопие́м ти: просвети́ на́ша помышле́ния и на путь покая́ния наста́ви. Сла́ва, и ны́не, пра́здника. На хвали́тех стихи́ры, глас 1. Подо́бен: Н ебе́сных чино́в: Небе́сных чино́в дости́гл еси́/ и венце́м безсме́ртия украси́лся еси́,/ и́мже увязе́ тя десни́ца Всевы́шняго,/ по́двигов ра́ди, я́же на земли́ подъя́л еси́,/ Исаа́кие, преподо́бне о́тче наш,// моли́ о душа́х на́ших. Тве́рдым щито́м ве́ры/ и кре́пкою броне́ю пра́ведности/ угаси́л еси́ стре́лы разжже́нныя лука́ваго/ и све́тлым мече́м благоче́стия/ пле́велы страсте́й посе́кл еси́, во́ине Христо́в Исаа́кие,// и ны́не спобо́рствуй нам си́лу вра́жию прогна́ти. О́тче преподо́бне Исаа́кие,/ благода́ти сосу́де избра́нный,/ ты, еле́ем моли́тв умягча́я грехо́вныя ра́ны чад свои́х,/ к подвиго́м благоче́стия тех подвиза́л еси́,/ и́стинней любви́ к Бо́гу и бли́жнему науча́я,// те́мже не оста́ви и нас попече́нием твои́м. Сла́ва, глас 3: Днесь све́тло сия́ет па́мять твоя́,/ о́тче наш Исаа́кие,/ а́нгельским бо украси́вся благоле́пием,/ па́стырь изря́ден мона́хом яви́лся еси́/ и, благоче́стием пресве́тло просия́в,/ богому́дрием всех притека́ющих к тебе́ озари́л еси́./ Те́мже и ны́не просвети́ нас,/ чту́щих святу́ю па́мять твою́,/ и научи́ благоче́стно почита́ти// Тро́ицу Святу́ю и Неразде́льную. И ны́не, пра́здника. Славосло́вие вели́кое, и отпу́ст. На Литурги́и слу́жба пра́здника, и преподо́бнаго. Развернуть Богослужение сегодня